Popular Bible Verses from يُوحَنَّا 14

Share

الْهْنَا كَنْخَلِّي لِيكُمْ، الْهْنَا دْيَالِي كَنْعْطِيكُمْ، مَاشِي كِيفْ كَتْعْطِي الدّْنْيَا كَنْعْطِيكُمْ أَنَا. بْلَا مَا يْتْشَوّْشْ قَلْبْكُمْ وْبْلَا مَا تّْخَلْعُو.

وْݣَالْ لِيهْ يَسُوعْ: «أَنَا هُوَ الطّْرِيقْ وْالْحَقّْ وْالْحَيَاةْ، حْتَّى وَاحْدْ مَا يْقْدَرْ يْجِي لْعَنْدْ الْآبْ بْلَا بِيَّ.

«بْلَا مَا يْتْشَوّْشْ قَلْبْكُمْ. نْتُمَ كَتْآمْنُو بْاللَّهْ، إِيوَا آمْنُو بِيَّ حْتَّى أَنَا.

وَلَكِنْ الْمُعِينْ اللِّي هُوَ الرُّوحْ الْقُدُسْ، اللِّي غَيْصِيفْطُه الْآبْ بْالْإِسْمْ دْيَالِي، رَاهْ هُوَ اللِّي غَيْعَلّْمْكُمْ كُلّْشِي وْيْفَكّْرْكُمْ بْكُلّْ مَا ݣْلْتْ لِيكُمْ.

رَاهْ اللِّي عَنْدُه الْوْصِيَّاتْ دْيَالِي وْكَيْدِيرْ بِيهُمْ هُوَ اللِّي كَيْبْغِينِي، وْاللِّي كَيْبْغِينِي غَيْبْغِيهْ بَّا، وْأَنَا غَنْبْغِيهْ وْغَنْبَيّْنْ لِيهْ رَاسِي».

وْأَنَا غَنْطْلَبْ مْنْ الْآبْ وْغَيْعْطِيكُمْ مُعِينْ آخُرْ، بَاشْ يْبْقَى مْعَاكُمْ عْلَى الدّْوَامْ، هُوَ رُوحْ الْحَقّْ اللِّي مَا قَدْرُوشْ نَاسْ الدّْنْيَا يْقْبْلُوهْ، حِيتْ مَا كَيْشُوفُوهْشْ وْمَا كَيْعَرْفُوهْشْ. وَلَكِنْ نْتُمَ رَاكُمْ كَتْعَرْفُوهْ، عْلَاحْقَّاشْ سَاكْنْ مْعَاكُمْ وْغَادِي يْكُونْ فِيكُمْ.

وْݣَاعْ دَاكْشِّي اللِّي غَتْطْلْبُوهْ بْالْإِسْمْ دْيَالِي غَنْدِيرُه، بَاشْ يْتّْعْطَى الْعَزّْ لْلْآبْ بْالْوَلْدْ. إِلَا طْلَبْتُو شِي حَاجَة بْالْإِسْمْ دْيَالِي، رَانِي غَنْدِيرْهَا».

«إِلَا كْنْتُو كَتْبْغِيوْنِي، إِيوَا دِيرُو بْالْوْصِيَّاتْ دْيَالِي.

فْدَارْ بَّا كَايْنِينْ بْيُوتْ كْتَارْ، وْكُونْ مَا كَانُوشْ، وَاشْ كْنْتْ غَادِي نْݣُولْ لِيكُمْ بْلِّي غَنْمْشِي نْوَجّْدْ لِيكُمْ بْلَاصَة؟

وْمْلِّي نْمْشِي وْنْوَجّْدْ لِيكُمْ الْبْلَاصَة، غَنْرْجَعْ وْنْدِّيكُمْ مْعَايَ، بَاشْ فِينْ مَا كْنْتْ أَنَا تْكُونُو حْتَّى نْتُمَ.

وْهُوَ يْݣُولْ لِيهْ تُومَا: «آ سِيدِي، حْنَا مَا كَنْعَرْفُوشْ فِينْ غَتْمْشِي، إِيوَا كِيفَاشْ نْقَدْرُو نْعَرْفُو الطّْرِيقْ؟».