Popular Bible Verses from يُوحَنَّا 5

Share

وْنْݣُولْ لِيكُمْ الْحَقّْ: اللِّي كَيْسْمَعْ كْلَامِي وْكَيْآمْنْ بْهَادَاكْ اللِّي صِيفْطْنِي، رَاهْ عَنْدُه الْحَيَاةْ الدَّايْمَة وْمَا غَادِيشْ يْتّْحْكَمْ عْلِيهْ فْيُومْ الدِّينْ، وْغَادِي يْكُونْ دَازْ مْنْ الْمُوتْ لْلْحَيَاةْ.

وْشَافُه يَسُوعْ مْتَكِّي، وْعْرَفْ بْلِّي رَاهْ هَادِي مُدَّة طْوِيلَة بَاشْ مْرِيضْ، وْهُوَ يْسْوّْلُه: «وَاشْ بْغِيتِي تْبْرَا؟»،

نْتُمَ كَتْقَلّْبُو مْزْيَانْ كْتُبْ اللَّهْ، عْلَاحْقَّاشْ كَتْضَنُّو بْلِّي عَنْدْكُمْ فِيهُمْ الْحَيَاةْ الدَّايْمَة. وْرَاهْ هَادْ الْكْتُبْ هُمَ اللِّي كَيْشَهْدُو لِيَّ. وْوَاخَّا دَاكْشِّي، مَا بْغِيتُوشْ تْجِيوْ لْعَنْدِي بَاشْ تْكُونْ عَنْدْكُمْ الْحَيَاةْ الدَّايْمَة.

وْهُوَ يْݣُولْ لِيهْ يَسُوعْ: «نُوضْ هْزّْ فْرَاشْكْ وْسِيرْ». وْدِيكْ السَّاعَة تّْشَافَى الرَّاجْلْ، وْهْزّْ فْرَاشُه وْمْشَى. وْهَادْشِّي وْقَعْ نْهَارْ السّْبْتْ.

وْجَاوْبْ يَسُوعْ لِيهُودْ وْݣَالْ لِيهُمْ: «نْݣُولْ لِيكُمْ الْحَقّْ: مَا يْقْدَرْشْ الْوَلْدْ يْدِيرْ شِي حَاجَة مْنْ رَاسُه، وَلَكِنْ مَا كَيْدِيرْ غِيرْ الْحْوَايْجْ اللِّي كَيْشُوفْ الْآبْ كَيْدِيرْهُمْ. عْلَاحْقَّاشْ كُلّْ حَاجَة كَيْدِيرْهَا الْآبْ، كَيْدِيرْهَا وَلْدُه حْتَّى هُوَ.