Popular Bible Verses from لُوقَا 13

Share

«دِيرُو جَهْدْكُمْ بَاشْ تْدَخْلُو مْنْ الْبَابْ الضّْيِّقْ. عْلَاحْقَّاشْ نْݣُولْ لِيكُمْ: بْزَّافْ دْ النَّاسْ غَادِي يْحَاوْلُو يْدَخْلُو وْمَا غَيْقَدْرُوشْ.

وْكَانْتْ تْمَّ وَاحْدْ الْمْرَاة سَاكْنْهَا جْنّْ مَرّْضْهَا تْمَنْطَاشْرْ عَامْ، وْرَدّْ ضْهَرْهَا مْحْنِي وْمَا قَادْرَاشْ تْوْقَفْ مْقَادَّة. وْمْلِّي شَافْهَا يَسُوعْ عَيّْطْ لِيهَا وْݣَالْ لِيهَا: «آ الْمْرَاة، رَاكِ تّْفْكِّيتِي مْنْ الْمَرْضْ دْيَالْكْ!».

وْغِيرْ حَطّْ عْلِيهَا يْدِّيهْ، وْهِيَ تْوْقَفْ مْقَادَّة وْعْطَاتْ الْعَزّْ لْلَّهْ.

وْهَكَّا غَيْوَلِّيوْ اللّْخْرِينْ هُمَ اللّْوّْلِينْ وْاللّْوّْلِينْ هُمَ اللّْخْرِينْ».

وْمْلِّي يْنُوضْ مُولْ الدَّارْ وْيْسَدّْ الْبَابْ، غَادِي تْبْقَاوْ نْتُمَ بْرَّا كَتْدَقُّو وْكَتْݣُولُو: حَلّْ لِينَا آ سِيدِي! وْغَيْجَاوْبْكُمْ: رَاهْ مَا كَنْعْرَفْشْ مْنِينْ جِيتُو!

كَنْݣُولْ لِيكُمْ لَّا! وَلَكِنْ إِلَا مَا تْبْتُوشْ كُلّْكُمْ غَادِي تّْهَلْكُو بْحَالْهُمْ».

وْغَادِي يْݣُولْ لِيكُمْ: رَاهْ مَا كَنْعْرَفْشْ مْنِينْ جِيتُو! بَعّْدُو مْنِّي كُلّْكُمْ آ اللِّي كَتْدِيرُو الدّْنُوبْ!

وْݣَالْ يَسُوعْ: «لْآشْ كَتْشْبَهْ مَمْلَكَةْ اللَّهْ؟ وْبْآشْ غَنْشَبّْهْهَا؟ رَاهَا كَتْشْبَهْ لْوَاحْدْ الْحَبَّة دْ الْخَرْدَلْ خْدَاهَا شِي رَاجْلْ وْزْرَعْهَا فْأَرْضُه، وْكْبْرَاتْ وْوْلَّاتْ شَجْرَة كَيْعَشّْشُو طْيُورْ السّْمَا فْعْرُوشْهَا».