Popular Bible Verses from Jon 6

Share

Yecu owaco botgi ni, “An a kwon me kwo; ŋat ma bino bota, kec pe bineke; ŋat ma ye an, orwo pe dok bineke matwal.

Gin ma miyo kwo en aye cwiny, kom pe konyo gin mo; lok ducu ma awacciwu gin aye cwiny ki kwo.

Pe wuti pi cam ma top woko, ento pi cam ma ri nio wa i kwo ma pe tum, ma Wod pa dano bimiyowu; pien Lubaŋa Won oketo lanen mere i kome.”

Man en gin ma wora mito, ni, dano ducu ma neno Wod, ma ye en, myero olim kwo ma pe tum; ci an abicere woko i nino me agik.”

Yecu odok iye botgi ni, “Man en tic pa Lubaŋa, ni wubed ki niye i kom ŋat ma en ooro.”

Dano ducu ma Wora omiya bibino bota; ŋat ma bino bota, pe abiryeme.

Cimon Petero ogamo doge ni, “Rwot, wabicito bot aŋa? In itye ki lok me kwo ma pe tum.

An a kwon makwo, ma olor piny nia i polo; ka ŋat mo ocamo kwon man, en bibedo kwo nakanaka. Kwon ma abimiyo en koma, ma amiyo wek lobo obed ki kwo.”

Dano mo pe twero bino bota, ka Wora ma yam oora pe opeye; ci an bene abicere woko i nino me agik.

Pien kwon pa Lubaŋa en kwon ma bino piny nia ki i polo, ma miyo kwo ki lobo.”

An a kwon me kwo.

Lacen Yecu okwanyo mugati, opwoyo, opoko bot jo ma gubedo piny, ki rec bene, kit macalo gimito. Ka doŋ guyeŋ, ci owaco bot lupwonnyene ni, “Wucok ŋide ma odoŋ, gin mo owek rwenyo.”

Ka onoŋo doŋ gucero yeya ma romo mairo adek nyo aŋwen, ci guneno Yecu kun woto i wi nam ki tyene. Lworo omakogi, ento en owaccigi ni, “An ennu, gwok wulwor”