Popular Bible Verses from Luka 17

Share

Owacce ni, “A, icit giri, niyeni ocaŋi.”

Ka otimo bal i komi tyen abiro i nino acel, ce olokke boti tyen abiro, kun legi ni, ‘Aŋut,’ time kica.”

Ŋat acel i kingi ka oneno ni ecaŋ woko, ci odwogo cen kun pako Lubaŋa ki dwan maloŋo; oryebbe piny ka tyen Yecu, kun pwoye. En onoŋo Lacamaria.

Wugwokke kenwu; ka omeru obalo, juke, ka oŋut, ci timme kica.

Yecu openyo ni, “Yam pe gilonyo dano apar? Jo aboŋwen kono gitye kwene?

Rwot ogamo ni, “Kono yam wutye ki niye macalo nyig kodi dek karadali, kono wuwaco ki yat man ni, ‘Putte keni, ipitte i dye nam,’ kono owinyo dogwu.

Ŋat ma mito laro kwone birwenyone, ento ŋat ma rwenyo kwone, bigwoko.

Yecu owaco bot lupwonnyene ni, “Gin ma miyo dano poto i bal pe bigeŋŋe; ento bineno can ŋat ma kelo gin ma miyo dano poto i bal! Kono obedo ber bot dano meno ka gitweyo kidi rego i ŋute, gibolo kwede i nam, kato ma en weko ŋat acel i kin litino matino magi poto i bal.

Macalo yam otimme i kare pa Nua, bitimme kit meno bene i kare pa Wod pa dano. Yam gicamo, gimato, awobegi ki anyira ginyomme, nio i nino ma Nua odonyo kwede i yeya, pii aluka ocorre otyekogi ducu.