Popular Bible Verses from 5. Mose 1

Share

De HAR jun Gott selfst, woat junt leiden un woat fa junt enstonen, krakjt soo aus hee en Ägipten ver june ieejne Uagen aul deed, un uk enne Wiltnis. De HAR jun Gott druach junt doa, aus een Voda sienen Sän wudd, un brocht junt derch aul de Städa, bat wua jie nu sent.

Mucht de HAR, june Vodasch äa Gott, junt noch dusent mol jrata moaken, un mucht hee junt soo säajnen aus hee junt vesproaken haft.

De HAR ons Gott, säd to ons aus wie biem Horeb Boajch wieren: Jie sent nu lang jenuach bie disen Boajch jewast.

Kjikjt emol. Dit es daut Launt woont ekj, de HAR, met een Eit june Vodasch Abraham, Isaak, un Jakob vespruak. Dit es daut Launt woont äare Nokomen haben sullen. Dit es daut Launt daut nu fa junt es. Got doahan un nämt daut en.

Lot junt daut nich een Unjascheet moaken wäa de Persoon es. Recht dee waut aunjeseenen sent äwareen met dee waut nich soo goot aunjeseenen sent. Enjst junt nich fa irjent wäm; daut Jerecht es von Gott. Un wan doa een Faul es dee junt too schwoa es, dan brinjt däm no mie.