Popular Bible Verses from 5. Mose 4

Share

Doa woa jie dan no däm HARN junen Gott sieekjen, un wan jie am woaren opp iernst vom Hoaten sieekjen, dan woa jie am finjen.

De HAR jun Gott es een jenstja Gott. Hee woat junt nich gaunz em Stäakj loten; hee woat junt nich gaunz ombrinjen. Hee woat sienen Bunt, dän hee june Vodasch met een Eit vespruak, nienich vejäten.

De HAR jun Gott es aus een rietendet Fia. Hee kaun kjeene aundre Jetta vedroagen.

Oba paust sea opp, un siet sea jewessenhauft, daut soo lang aus jie läwen, jie nich vejäten waut jie jeseenen haben. Sajcht june Kjinja un Grootkjinja

Lot daut vondoag jesajcht sennen, un vejät daut nich: De HAR es Gott em Himmel un oppe Ieed un doa es sest kjeena.

Doa es kjeen aundret Launt, krakjt eendoont woo groot, waut eenen Gott haft dee soo dicht bie an es, aus de HAR ons Gott no aun ons es, un ons jiedatsmol hieet, wan wie am aunroopen.

Wan jie dan lieden woaren, un jie en dise veschiedne Dinja nenn jeroden, dan woa jie junt met de Tiet nom HARN junen Gott dreien, un jie woaren am jehuarsom sennen.

Jie sellen nuscht bie dit Jesaz biedoonen, waut ekj junt väasaj, un nuscht doavon wajchnämen. Jie sellen däm HARN junen Gott siene Jebooten, dee ekj junt jäw, hoolen.