Popular Bible Verses from Génesis 32

Share

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Qaq huaña nache se'eso shiỹaxaua 'enapego' somaye, 'eeta': «Aỹem 'axanec, ten mashe yaqta'a da yo'oxoñi.» Nache so Jacob 'enapeco': «Saishet da 'am saxanec, da saishet da aỹem 'auasaxalec ca 'archoxonnataxanaxa.»

Qaq so Jacob co'ollaq mashe nda'a't, qaq huo'o so shiỹaxaua iloquiaxan somaye, nache somaye deloctague' ivitta'a so yo'oxoñi

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

qalaxaye se'eso shiỹaxaua co'ollaq ila'a da saishet da nauec so Jacob, nache iuaxangui na lleegue lqaic, nache naquiigui ana lleegue so Jacob co'ollaq ñaq deloctague' somaye.

Nache se'eso shiỹaxaua inat somaye, 'eeta': «¿'Eetec cam 'are'enaxat?» Nache somaye 'enapeco': «Aỹem ỹe'enaxat da Jacob.»

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Qaq ỹoqo'oye choche ivitta'a nagui da na chegoxoguetpi so Israel, saishet da chec ana lleegue lqaic lo'ota ca camachaqca shiguiỹac, cha'aye nacheye yem qaiuaxaachiguiña co'ollaxa so Jacob.

Ime, nache so Jacob natamen, 'eeta': «'Am Nataxala', maye 'Am Natamnaxala' so ỹape Abraham, qataq ca ita'a Isaac. 'Am maye aỹem qonapega co'ollaxa da she'eguelaxa ye ña'alhua, qataq ye ihuo' le'ecpi, qataq aỹem 'auo'otec da qaica camachaqca da ỹecỹaxac

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.