Popular Bible Verses from Juan 11

Share

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec. Qataq 'enauac nam ña nca'altauec nagui qataq Aỹem ỹa'amaqten, nache namayepi saishet da ivireguet ca nleuaxa maye chochaq tatec. Qaq ¿'aua'amaqten peta'a de'era?

Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Nache So Jesús nỹeetac.

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Qaq co'ollaq ime da nasaxauec de'era, nache deỹaxan, 'eeta': –¡Lázaro, 'ampa'auec! Nache som leuaxaic mpa'auec. Somaye qoỹaxatta'aguelo naua lhua'q qataq naua lchel som laxataxat qataq qoỹaxattagui na lashec so hualoq laỹe. Nache So Jesús 'enapega somayepi, 'eeta': –Ña qanqache na laxataxat damaye, nache qauaqaỹa'a da queuoỹapigui'.

Qaq So Jesús qaltaq nomteguet da 'eeta lta'araic, nache nqocheneua'a aso huachiqui maye no'onata naigui so coma' lta'araic, asomaye huo'o so lapoxot coma' som ñegueuo.

Qaq co'ollaq ime, nache So Jesús qaltaq 'enapeco': –Ye qanauochaxaua Lázaro, yemaye do'ocheta, qalaxaye Aỹem ñeqo'ona da ñequetoxon.