Popular Bible Verses from Lucas 11

Share

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Ỹoqo'oye qami' shenapegalo nagui: Qauỹaxañiỹot Ñim Lo'onatac 'Enauacna, qaq Ñimaye qami' ỹanema cam qauỹaxañiitaique, qautaqỹapegue' Ñimaye, nache qauanachiỹa cam qanmichiitaique, qautoqñiiua'a ca lasom, yaqto' qami' qanauategueta.

Cha'aye cam pi'iỹa'a Ñim Lo'onatac 'Enauacna, nache ỹaconeguet cam iỹaxaataique, qataq ỹanata cam nmittaique, qataq da deỹaxan qalaq qaiqoche'eguet.

Nache So Jesús 'enapeco': –Da ivita da qanatamñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna. Ña 'auanac yaqto' 'am 'oonolec da 'am Qarta'a

Qataq 'auapalaxat nam qarasouaxashetpi, 'eeta'ama qomi' da mashe sapalaxataq 'enauac nam qomi' qaỹo'oteque qauem. Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai.»

Ñaq qomi' 'aỹa'anema na na'a'q cam sacheguenaq maye seuenaqtac.

Naua la'ai'te ca shiỹaxaua, 'eeta'ama aca ncoỹaraxanaxaqui da icoỹarelec da lo'ocỹaxac. Qaq ỹoqo'oye, da lmeenaxanaxac da huesota qataq nvirauec da lauotaxanaqtaic, nache da yo'oqchiguiñi taigui da nachaalataxac. Qalaxaye da naua la'ai'te da quiỹaxanaqtaqaiqa qataq nvirauec da ño'oxonnaxac, nache da nachaalataxac ỹataqta imauec da napalñi.

Qaica ca ishet da ỹegueua'a aca ncoỹaraxanaxaqui, ime, nache ỹoxooñi, huo'otaq da ỹano'ot na pa'aguiñi ca naretaxanaxala'. Nachaqrata da ỹatcheguem acamaye, yaqto' da huo'o ca pa'aigui ca nỹec, nache yo'oqchiguiñi.