Popular Bible Verses from Lucas 21

Share

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't

Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Qaq na piguem qataq ana 'alhua imeuo qome, qalaxaye da ỹa'aqtac saishet da imeuo.

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai. Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan. Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Qataq 'enauac qome na shiỹaxauapi maye huetalecna qami' nquiỹalo, souaxat da qami' ỹapaxaguenataqa.

Qataq huo'o qome ca nacholaxanaxa naua pa'aiguelo naua laỹel ana 'alhua qataq ca nqouaxa. Qataq huo'oi qome naua nalolaxaco naua 'aleu'. Qataq qaila'a qome ca qaica ca 'ena'am da lchec qataq caua lta'al na'anqa na piguem.

Qaq qom huo'o ca qaua'aqaitapeguelec da nalattega'tpi qataq cam ỹo'ottapeguec ca nta'a maye ilotague' na lauo' le'ecpi, qalaq saishet qome da qayi'i. Cha'aye hua'auñi qome da anac 'enauac namayepi, qalaxaye saxanaxa qome da ivita ca loga'tna. Nache So Jesús queta da da'aqtaxaatac, 'eeta': –Ca ỹotta'a't shiỹaxauapi deloguiỹa't qome, qataq ca lta'alpi ca shiỹaxauapi delogui' ca lỹa nta'a.

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai. Nache na shiỹaxauapi ỹataqta decopchetac qome, souaxat da deuennataxaatapeguelec cam qauem maye ñaq nata'a ana 'alhua, cha'aye ivira'a qome ana huaqaañipi maye hueto'ot na piguem ỹataqta da cholaxan.

Nache So Jesús queta da da'aqtaxaatac, 'eeta': –Ca ỹotta'a't shiỹaxauapi deloguiỹa't qome, qataq ca lta'alpi ca shiỹaxauapi delogui' ca lỹa nta'a.

Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.