Popular Bible Verses from Lucas 23

Share

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

Nache somaye 'enapego' So Jesús, 'eeta': –Aỹem 'auennata'a qome, qom 'am qoỹami' da 'aulo'ogue 'enauacna.

Nache So Jesús ỹa'alaq, 'eeta': –'Am Ita'a, 'am sepagaqteetot da saqcha'a ica'alaxa da maiche 'aulo'ogue. Qaq co'ollaq mashe nasaxauec de'era la'aqtac, nache ileu.

Qaq co'ollaq mashe ivireuga som 'alhua maye le'enaxat «Nqaic Lpi'inec», nache iuaxaneuo So Jesús, qataq nataqa'en soua dos maye ỹo'otta'ape naua qauema. So 'oonolec ỹana'ague da aloic So Jesús, qaq so lỹa qalaq ỹana'ague da ne'emaq.

Co'ollaq mashe na'a'q laiñi choche ivitta'a da dasheta añi nala', nache 'enauac ye 'alhua ỹataqta napalñi, cha'aye añi nala' qalaq ỹataqta qaica ca le'eraxa, qaq som lapoxonaxat hualoxolaỹi maye pa'auo aso no'onaxanaxaqui late'erai qalaq colaqchiguingui na laiñi.

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.