Popular Bible Verses from Marcos 2

Share

Qalaxaye So Jesús hua'aqchigui de'era, nache 'enapeco': –Nam iuen ca natannaxanaq, nachena nam sa no'onpi, qaq saishet da nachena nam no'oitapi. Qaq Aỹem ñanac da seỹaxana nam 'etaxaloxoicpi, da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Nache So Jesús co'ollaq ila'a da lta'araic lpi'iỹaxa'c soua ỹale't, nache 'enapego' so sano'on, 'eeta': «'Am ỹalcolec, nam 'arasouaxashetpi nagui 'enauac sapalaxat.»

–Ye na'a'q mataxaqui maye saishetapec na judiopi, qaỹo'ot co'ollaxa da yaqto' lalamaxat ca shiỹaxaua, qaq saishet da qaỹo'ot ca shiỹaxaua da yaqto' ye na'a'q mataxaqui lalamaxat camaye.

Qalaxaye souaxat da ỹataqta qalota so shiỹaxauapi, nache soomaye huenoldesheguemec na l-laq so nỹec, nache ỹauo'o so lauatrac. Nache tachiguingui naqa'e'n so sano'on maye huetalec so lmala'.

Qalaxaye nagui qami' ñachaxanalo, Aỹem maye Aỹem Shiỹaxaua Llalec, huo'o da ỹa'añaxac ana'ana 'alhua da sapalaxat na nasouaxashetpi.» Ime, nache 'enapego' so ỹale maye sa da'añiigue, 'eeta': «Qoñisheguem, 'auacona na 'armala', nache 'anqo'ona ca 'arma'.»

Aỹem qaua'aqtaxañim ¿negue't ca ỹactec da saqalaq da qairolec? ¿Peta'a da qoỹeeta': Na 'arasouaxashetpi 'enauac qaỹapalaxat, huo'otaq da qoỹeeta': Qoñisheguem, 'auacona na 'armala' nache qojec?

Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»