Popular Bible Verses from Génesis 12

Share

Nocoaque noshequiacaasanojeiteri catsini pishanincajeitajeari coajicani, nonashitacaajeiteari iriori. Nontasoncaventasanotempi pimayetantearori cameetsayetatsiri noncoacayempiri. Oshequi irineacameetsajeitempi quemacojeitempineri. Aisati nonquempejeiteri maaroni itsipapee yora quempejeitempineri, nontasoncaventajeiteri iriori. Aisati nontasoncacoventeri aacameetsajeitempineri. Irintiquea caari aacameetsajeitempine, noasanquetaajeiteri. Nontasoncacoventempi, irosati nontasoncaventajeitanteariri maaroni atiripee savicajeitatsiri quipatsiqui.”

Ari aparo quitaiteri iquemaqueri Abrama Tasorentsi, icantaqueri: “Pojocanajero piipatsiteca aisati maaroni pishanincapee jero ivanco piri, pijate anta pashiniqui quipatsi nonijayempiri pisavicajeitantajeari.

Ari iquemisantaquero Abrama icantaqueriri Tasorentsi, irosati ijatantanaca. Icaratanaquero ijina jeri itomitsori Lot. Aisati yaajeitanaqueri inampirepee inampiyetapaacari nampitsiqui Harán jero maaroni timimoyetiriri aisati ivirapee. Ari ocarataque 75 irosarentsite yojocantanajarori inampini Harán.

Aitaque inijaacariri Tasorentsi Abrama, icantapaaqueri: “Pineaquero oca quipatsi, irotaque nocantaquempiri. Irotaque nocashiacaajeitaqueriri irisavicajeitanteari pishanincajeitajeari coajicani.” Irosati yovetsicantacaro altar ipincatsatantacariri Tasorentsi. Irotaque inquenqueshiretantearori aitaque inijaacariri Tasorentsi.