Popular Bible Verses from Génesis 18

Share

¿Opomerentsitimotanampa? ¡Tempa narotaque Tasorentsi nomatacayero ontimanteari! Pashiniqui osarentsi nompiajanterica, noneajantempi timanaque pijina pitomi.

Oquemavaquero icantaqueri, irosati oshirontashireantanaca. Oquenqueshireanaca: “¡Jaoca noncanteari noneavintsatavacaajea, anteashipatanaque nojime aisati narori!”

Ari iquenqueshiretaca Tasorentsi: “Noncamanterita Abrahama oca nanteri; tempa iriotaque intacantearine shequiajeitanajantsineri coajicani. Tempa nocantitacari: ‘Nontasoncacoventempi,’ irosati nontasoncacoventanteariri maaroni atiripee quipatsiquiniri.

Ari iquempejitapaacari, isampitiri: —¿Ariompa pintsoncaqueri yora cameetsatatsiri saviquimotiriri antajeitirori caari cameetsatatsi? Ariorica intime 50 cameetsatatsiri anta nampitsiqui, ¿ariompa pintsoncajeitaqueri? ¿Eirompa pipeacotanaritsi caari cameetsatatsi yantajeitiri?

Yacanaqueri Tasorentsi iriori: —Ariorica itimi 50 cameetsatatsiri anta nampitsiqui Sodoma, aitaque nompeacotaqueneri caari cameetsatatsi yantajeitiri savicajeitatsiri, eiro notsoncajeitiritsi maaroni.