Popular Bible Verses from Génesis 25

Share

Ari iquemaquero. Icantiro: “Yora pitsomontetaquerira incarate apite timatsineri. Irinashijeitanaquea irishanincajeiteari iriori, coajica aparo anaacotantatsine. Yora pijivateri pintimeri, coajica impincatsateri impoitapeerineri.”

Icantapaaqueri: —Iyee, notashenivee, irotaintsi noncame. Pimpena capichaji tsitoiqui quiraaquiri picotaquerira. Irotaque ipajitanteetariri Esaú Edom. (Ora Edom, icanteetiri: quiraaquiri.)

Ora Rebeca te intimaveiteani otomi, oshiravaroveitani. Iro cantaincha yora ojime icantacoventaquero Tasorentsiqui. Ari itasoncaventaquero, irosati otsomontetantanaca.

Ari icantanaqueri: —Paitampa noncoanteari nashiyetearo. Irotaintsi nainti noncame aaquena notashe, pimpoyetajenaqueti pinquempetajea aviro jivatatsiri pitimi. Icantasanotiri: —Pincantasanotenaqueti pimoncaratenaro nocantaquempiri; eiro pamatavitanatsi. Irosati icantasanotantacari, ishinetaqueri impoyeetajeari inquempetajea irio jivatatsiri itimi.

Yora oijatapaaqueriri quiso yoapaaqueri yajiricaquiitaqueri iiticontajaniquiqui. Irotaque ipajitantacariri Jacob. Ari ocaratanaque 60 irosarentsite Isaac, otimantacariri ijina apiiteroqueti itomi.

Ari icoasanotaqueri Isaac yora Esaú; tempa yoacovintsatacari iovintsane. Irointiquea Rebeca onintasanotiri iroori Jacob.