Popular Bible Verses from Mark 10

Share

Cause eben de Man wa Come fom God ain come fa mek people e saabant. E come fa be de people saabant, an fa gii e life fa pay de price, fa sabe a whole heapa people.”

Jedus look pon um an say, “God able fa do wa people ain able fa do. God able fa do all ting.”

Jedus say, “Ya kin go pon ya way now. Cause ya da bleebe, ya done git well.” Nex ting e know, Bartimaeus able fa see. An e waak wid Jedus down de road.

So den, wen God done jine dem togeda, mus dohn nobody tek dem paat fom one noda.”

Jedus look pon de man an e like um. An e tell um say, “Jes one ting lef wa ya ain done yet. Mus go sell all ya hab an gii de money ta de people wa ain hab nottin. Ef ya do dat, ya gwine be rich fa true een heaben. An atta dat, ya mus come be me ciple.”

Jedus aks um say, “Wa ya wahn me fa do fa ya?” De bline eye man say, “Teacha, A wahn ya fa mek me so dat A kin see.”

Bot e ain gwine be dat way mongst oona. Ef one ob oona wahn fa be de head poson, e mus be oona saabant.

A da tell oona de trute, anybody wa ain wahn fa hab God rule oba um same like dem chullun, dat poson dey ain gwine be wid God wen e da rule.”

Bot plenty wa fus now, dey gwine be las, an plenty people wa las now, dey gwine be fus.”

Bot fom wen e fus mek de wol, ‘God mek two kind ob people, man an ooman.’ Cause ob dat, de man gwine lef e fada an e modda an jine wid e wife, an dem two gwine come fa be one poson. So dey ain two poson no mo. Dem two done come fa be one poson.