Popular Bible Verses from Mark 5

Share

Jedus tell um say, “Me daughta, cause ya bleebe, ya done git well. Go een peace wid quiet haat. Dat kind ob misery ain gwine come pon ya no mo.”

One ooman been dey wa beena suffa too bad. E beena bleed fa tweb yeah. Plenty docta done treat um, da try fa heal um, an e done spen all e money, bot e ain git no betta. Stead, e beena git wos mo an mo.

So e tetch Jedus cloes an same time de bleed done stop, bam! An e feel een e body e done git well ob e misery.

Jedus hole de chile han an tell um say, “Talitha koum!” Een dey way ob taak, dat mean “Me chile, A tell ya, git op.”

Same time Jedus beena say dis ta de ooman, some people come bring nyews fom Jairus house. Dey tell Jairus say, “Ya daughta done dead, so ya ain oughta warry de teacha no mo, ainty?” Wen Jedus yeh wa dey say, e tell Jairus, “Mus dohn be scaid. Jes bleebe.”

De man taak dat way cause Jedus beena tell um, say, “Ebil sperit, come out fom eenside dis man.” Jedus aks de man say, “Wa ya name?” De ebil sperit eenside de man ansa Jedus say, “A name ‘Plenty Plenty,’ cause dey a heapa we.”