Popular Bible Verses from Juan 19

Share

Cachani tanahax sca: —Janquenja sca ta jai —hihqui. Jascarax jahuen mapo betihiquish mahuati.

Jaatian sca jatihibi janquenja sca jan jai honanxon huishani joi jai quescanon hihquish: —Xehan tah hen hihqui —hihqui Jesus.

Jahuen mama jisxon hahan jan queenai jahuen haxenica rihbi hochoma nichi jisxon jahuen mama Jesusen yohiquin: —Hoa ta miin baque qui, maman —hahquin. Jahuen haxenica sca yohiquin: —Nea ta miin mama qui —hahquin. Jaa copi ta jahuen xoboho sca jaa haxenicaton Jesusen mama jihuemanishqui.

Jesus qui nocoxon sca mahuascai meraxon jahuen huihtax tobayamascaquin. Tobayamaxon bi huesti sontaronen jashin Jesus pishnacoquin. Pishnacoha jimiya jene caini.

Huishani joi jai quescabi janon ta tobayamacanishqui. Jahuen xao ta ni huestibi tobatimahiqui hihqui jaa joi. Jaa pishnaconixon ta jaabi jisyaxihcanihqui hihqui huetsa rihbi huishani joi.

Bihxon boxon jahuen coros hiamabahincanquin. Cahax mapo xao janeya manan qui nococani. Judiobaan join cahen Gólgota.

Sontarobaan sca rishquixon moxa maitijaxon Jesus maimaquin. Yancon tari rihbi sahuemacanquin, hapon tari.