Popular Bible Verses from JOANE 15

Share

“Inê nga ki na apinige na vaini, ma igamu ki na arani. Manga na enoni, ma ki ama ni gâga nga heniê, ma inê kê ama ni gâga nga henia ngaia, ngaia ki hagavoregi rako na marâ koro. Manga inê, ma kê pe tamanigamu, igamu ki asa iami, vi gamu page hagavorea ta na marâ.

Mu ama ni gâga heniê nga inê, ma inê kê ama ni gâga henigamu nga igamu. Manga mu pe ama ni gâga nga heniê, ki asa iami, vi gamu page hagavorea ta na marâ. I tagenana ma manga na arana na apinige, ga bani retea râ, ma ki asa, vi ge page hungu.

Manga igamu, ma kamu ama ni gâga nga heniê, ma na tamasinga iaku ki ama ni gâga nga henigamu, mu nungia na ani mavê na marâ, mu obania tenia o Vaemaku, ma ngaia ki page vategamu.

Ma igamu, igamu kamu pe ateê inê, ma inê nga kanigê ategamu igamu, ma kê hagatorangenigamu, kamu arâ, hanana mu hagavoregi rako na marâ koro, ga gâga tare. Tahema o Vaemaku ki page vategamu na ani mavê na marâ, mu nungigi tenia igê na raramohaku.

Manga ta na enoni, ma ki meme, hanana vi tamanira na tamana koro, na hetakuiha iana ki teha ngavê.

Ngaia ki barugigi râ na ara ni araku, ga maria, suria ga pe hungu. Ma na ara ni araku, ga hunguhungu, ngaia ki uvegi, hanana ga pe heusuhi, ma ka page rasirasi na guani.

Ikê na ramata iaku: mu hetakuiheri, tagenana manga inê gê takuigamu.

Manga igamu, ma kamu hagavoregi rako na marâ koro, ma igê na tarana ngekana ki na girarami, vi igamu ki na kariaku, igamu kamu hagabângenia na raramohana o Vaemaku.

“Inê nga ki na apinige na vaini mora, ma o Vaemaku ki na avanuna na mu ni apinige na vaini, ma ki tagara igê.

Manga ta na enoni, ma ki pe ama ni gâga nga heniê, ngaia ki manga na arana, ga kasia râ ma ki maugu. Na arani, ga manga ngegana, na enoni ka ruguni haku, ma ka kasikasi igê na gi, ka makaka.

“Inê kê bani visigi tangagamu na tarani ngegana, hanana i korokoro na obami igê na vagevageha, i tagenana manga inê, hanana mu vagevage teha ngavê.

Manga igamu, ma kamu marupegi na ramata iaku, mu ama ni gâga nga heniê, ma inê kê girara gê takuigamu. I manga inê, gê bani marupegi me na ramata iana o Vaemaku, ma kê ama ni gâga nga henia ngaia, ma ngaia ki takuiê.

Ngekana nga na tarana, gê bonasigamu renia: mu hetakuiheri!

Manga vi igamu ki na enoni ni maveta, na enoni ni maveta ka takuigamu, suria igamu ka na tamata. Ma inê akê nga kê bani tavogamu hura igamu tenira na enoni ni maveta. Manga ngekana igamu kamu mareha vi na tamata. Tahema na enoni ni maveta ka merongasigamu.