Ie mei Jerusalémo Jusiñamui jofo muidomo Taɨfe Jesúna uite. Raite:
—Jusiñamui Jitodɨodena, enɨruemo mai ana uai. David mɨcorɨ ona jaie cuega:
Ona eenollena Jusiñamuidɨ ie jaɨenisaɨmo lloite.
Enɨruemo o uaiñellena, o abɨ bofedaiñellena, ona feiñoitɨmacɨ
cuega. Naimɨe lloga uai suillena, bie jofo muidomona mai ana uai. Naimɨe ie lloga uaina fɨnorede; ia iena cue uiñollena, mai ana uai.
Jesús uai ote:
—Dama ite. Ana uaiñeitɨcue. Ero, ie comɨnɨmo Moisés mɨcorɨ jaie cuega: “Caɨ Nama Jusiñamuina facacɨñeno”. Naimɨe cuena raise eenuana jai uiñotɨcue. Jamai ebena naimɨena facacɨñeitɨcue. O lluana fɨnoñeitɨcue.