Popular Bible Verses from Naṉ. 18

Share

Warí Yusja̱i̱ tujintkiamnia áwak. Wats nekas tájame chíkich uwitin iraakun íitjiame. Túrasha táatsa̱i̱ṉ Sáraka uchin takustatui” tímiayi.

Nuna nekaama wisha imiá uuntchincha tura áishrusha imiá uuntach ai̱sha uchin takusnasha warastájash, tu enentáimtumas ní neas wishikmampramiayi.

Atsá, warí niṉkia untsurí tura kakaram aents ártatna nuna uuntri̱ awajsashtatjak. Tura Aprajámai̱n ashí nuṉkanmaya̱ aents shiir awajnásartatui.

Nuyá̱ Aprajám Yusan wérusaṉ ijius chichareak “¿Yajauchin túrichusha yajauch shuarja̱i̱ métekek amuktatam? Warí Sutumanmasha yajauchin túrichu seṉkuintia áchatpiash. ¿Seṉkuintia aí̱ṉkik amuktatam antsu nu ákuiṉkia tsaṉkurashtatmek?

Tutai Uunt Yus aya̱k “Sutumanam yajauchi túrichun seṉkuintia wainkiaṉka nin anenakun ashí Sutumanmaya̱ aentsun asuttsuk iniaisattajai” tímiayi.