Popular Bible Verses from Naṉ. 28

Share

Nekaata, ámiji̱a̱i̱ṉkia Wi pujajai. Tui̱ wétatam nui̱sha ámiji̱a̱i̱ tuke pujustatjai. Wi tájamna jú̱naka umirtsukka iniaisashtatjame. Antsu ataksha ju̱i̱ nuṉkemíni̱ṉ awaiṉkittiajme” Uunt Yus Jakupan mesekranam tímiayi.

Túmainiamunam yakí̱ Uunt Yus pujan wáinmiayi. Tura chicharuk “Witjiai ame apachrumi Aprajáman tura ame apan Isaka Yusri̱. Tura ame tepamna jú̱ nuṉkan ámin tura amé shuarnasha súsartatjai.

Nuya̱ṉka Jakup mesekramar shintiar chichaak “Nekas Uunt Yus tímiaja̱i̱sha pujawai. Maa, nuna nekaachmajai” tímiayi.

Tura Jakup Yusan enentáimtus “Wats nekas winia wáitkiuṉka tura nemartakka yurumátniuncha entsartinniasha surakuiṉkia ukunam winia aparuí̱ péṉker waketkitniun yáiṉkiuṉka nuiṉkia nekas winia Uunt Yusur átatui. Tura kayan awajá ikiuajna ju̱, Uunt Yusa je̱e̱ átatui” tímiayi. Nuyá̱ Yusan chichareak “Ashí surustatmena nuya̱n tiásnumia̱n chikichkiniak akankan tuke amattajai Uunt Yusru” tímiayi Jakup.

Tura amé shuarka tí untsurí ajasártatui. Túrunawar naikmia imianú núkap ajasár arakaani̱sha nuṉkaani̱sha ántsaṉ etsa̱ jintiainmaani̱sha tura etsa̱ akatainmaani̱sha ashí nuṉkan enetkartatui. Túrunawarmatai aminí̱ya̱ tura amé shuarai̱ya̱ ashí nuṉkanmaya̱ aents shiir awajnásartatui.

Tura nui̱ yaunchu uunt pepru náari̱n Rus tú anaikiamu amia nuna Jakupka yapajtiua Pitir anaikiamiayi.