Popular Bible Verses from Jṉ. 5

Share

“Tí nekasan tájarme. Winia chichamprun ántana nú shuarka Winia Akuptúkun enentáimtak ni iwiaakmari̱ peṉké amuukashtinian tákakui. Nu shuarsha aya̱shí̱ iwiaakuitiat jákauyi antsu yamaikia nekas iwiaakui. Tuma asa sumamashtatui.

Jesussha nu áishmaṉ jaa tepan wainkiamiayi. Tura untsurí uwí jaan nekáa chicharuk “¿Péṉker ajastin wakeramek?”

Átumka Yus Chicham yaunchu aarma nui̱ iwiaaku átinian wáinkiataj tusarum tí unuimiaruitrume. Nu chichamsha Wínian áujmatui. Tuma ai̱ṉ nekas iwiaaku átaj tusarum Winí̱ tátin nakitiarme.

Nuyá̱ Jesus chicharuk “Nantakim ame peakrum jukim wetá” timiayi. Tutai nu chichamtaik áishmaṉ shiir ajasmiayi. Tura ni peakri̱n jukí̱ wémiayi. Nusha ayampratin tsawantai̱ túrunamiayi.

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.