Popular Bible Verses from Ioane 12

Share

A fia ‘au‘auna mai se tasi ‘iā te a‘u, ‘ia mulimuli mai o ia ‘iā te a‘u; o le mea ‘ou te i ai, e i ai fo‘i la‘u ‘au‘auna; pe a ‘au‘auna mai fo‘i se tasi ‘iā te a‘u, ‘ona vi‘ia lea o ia e le Tamā.

O lē fa‘apelepele i lona ola, e fa‘amaumau e ia i ai; a o lē ‘ino‘ino i lona ola i lenei lalolagi, e maua ai pea e ia e o‘o i le ola fa‘avavau.

E moni, e moni, ‘ou te fai atu ‘iā te ‘outou, ‘Āfai e pa‘ū le fua o le saito i le ‘ele‘ele ma pala ai, e tumau pea o le mea e tasi; ‘ae ‘āfai e pala, ‘ona fua tele mai ai lea.

‘Ua ‘ou sau o le malamalama i le lalolagi, ‘ina ‘ia lē tumau pea i le pouliuli se tasi e fa‘atuatua mai ‘iā te a‘u.

‘Āfai fo‘i e fa‘alogologo se tasi i a‘u ‘upu, ‘ae lē talitonu i ai, ‘ou te lē fa‘amasino ‘iā te ia; auā ‘ou te le‘i sau e fa‘amasino i le lalolagi, a ‘ia ‘ou fa‘aolaina le lalolagi.

‘Ona tago ai lea o Maria i le pauna o le u‘u nato tau tele; ‘ua ia u‘u ai vae o Iesu, ma sōloi ona vae i lona lauulu; ‘ua tumu fo‘i le fale i le manogi o le u‘u.

‘Ona ‘ave lea e i latou o lau o pama, ma ō mai e fa‘afetaia‘i ‘iā te ia; ‘ona latou ‘alalaga lea, “Osana! ‘Ia manuia lē afio mai i le suafa o le Ali‘i, o le Tupu o Isaraelu.”

‘Ua tali atu Iesu ‘iā te i lā‘ua, ‘ua fa‘apea atu, “‘Ua o‘o mai ona po e o‘o ai le Atali‘i o le tagata i lona mamalu.