Popular Bible Verses from Levitiko 19

Share

‘Aua ‘e te taui ma sui, ‘aua fo‘i le fa‘amoemoe lou ita i tagata o lou nu‘u, a ‘e te alofa atu i lē lua te tuā‘oi ia pei o oe lava ‘iā te oe: O a‘u o le ALI‘I.

‘Aua tou te saei o ‘outou tino ‘ona o lē ‘ua oti, ‘aua fo‘i ne‘i ta tatau ‘iā te ‘outou: O a‘u o le ALI‘I.

Fai atu ia i le fa‘apotopotoga uma o le fānauga a Isaraelu, ‘ia fa‘apea atu ‘iā i latou: ‘Ia pa‘ia ‘outou; auā o a‘u o le ALI‘I lo ‘outou Atua e pa‘ia lava a‘u.

‘Aua ‘e te ‘ino‘ino i lou uso i lou loto; ‘ia e a‘oa‘i lava i lē lua te tuā‘oi, ‘aua fo‘i ne‘i tu‘u ai pea le agasala ‘iā te ia.

‘Aua tou te fa‘asaga atu ‘iā i latou o i ai aitu vavalo, ‘aua fo‘i ‘e te sā‘ili i taulāitu e leaga ai ‘outou: O a‘u o le ALI‘I lo ‘outou Atua.

‘Aua ‘e te fealua‘i i lou nu‘u ma fe‘ave‘avea‘i; ‘aua fo‘i ‘e te molimau pepelo i lē lua te tuā‘oi e oti ai o ia: O a‘u o le ALI‘I.