Popular Bible Verses from Luka 14

Share

“‘Āfai e sau se tasi ‘iā te a‘u, ‘ae lē ‘ino‘ino i lona tamā ma le tinā ma le avā ma le fānau ma uso ma tuafafine e o‘o lava i lona ola, e lē mafai ‘ona fai o ia mo o‘u so‘o.

O sē lē ‘ave lona satauro, ma ‘ua lē mulimuli mai ‘iā te a‘u, e lē mafai ‘ona fai o ia mo o‘u so‘o.

Auā so se tasi e fa‘amaualuga o ia ‘iā te ia lava, e fa‘amaulaloina lea; a o lē fa‘amaulalo e ia ‘iā te ia, e fa‘amaualugaina lea.”

E fa‘apea fo‘i so ‘outou a lē lafoa‘i ana mea uma, e lē mafai ‘ona fai o ia mo o‘u so‘o.

“O ai fo‘i so ‘outou ‘ua fia fai se ‘olo, e lē mua‘i nofo i lalo e faitau tupe e totogi ai, po ‘ua lava ana mea e fa‘auma ai? ‘ina ne‘i tauemu mai ‘iā te ia o tagata uma e maimoa, ‘ina ‘ua tu‘u le fa‘avae, ‘ae lē mafai ‘ona fa‘auma ai, e fa‘apea mai, ‘O le tagata lenei, na amata ‘ona fai, ‘ae le‘i mafai ‘ona fa‘auma.’

Peita‘i o oe, pe a e sauni le faigā‘ai, ‘inā vala‘aulia ia i ē matitiva, i ē mumutu, i ē pipili, ma ē tauaso; e manuia ai oe; auā latou te lē mafaia ‘ona taui mai ‘iā te oe; ‘ae tauia oe i le toe tutū mai o ē amiotonu.”

“O le mea lelei le masima; ‘ae ‘āfai e māgalo le masima, pe se a se mea e fa‘amāi a‘i? E lē aogā ia i le fanua, e lē aogā fo‘i e fai ma otaota e nasu a‘i; a ‘ia lafoa‘iina i fafo. O lē ‘ua i ai taliga e fa‘alogo ai, ‘inā fa‘alogo mai ia o ia.”