Popular Bible Verses from Luka 23

Share

‘Ona fetalai atu lea o Iesu, “Lo‘u Tamā e, ‘ia e fa‘amāgaloina atu ‘iā te i latou; auā ‘ua latou lē iloa le mea ‘ua latou faia.” ‘Ua tufatufa e i latou ona ‘ofu, ‘ona fai ai lea o le vili.

‘Ona fetalai atu ai lea o Iesu ‘iā te ia, “E moni, ‘ou te fai atu ‘iā te oe, o le asō tā te fa‘atasi ai ma oe i parataiso.”

‘Ona fai mai lea o ia ‘iā Iesu, “Le Ali‘i e, ‘ia e manatua mai a‘u, pe a e afio mai i lou mālō.”

‘Ona vala‘au ai lea o Iesu, ‘ua leo tele, ‘ua fa‘apea atu, “Lo‘u Tamā e, ‘ou te tu‘uina atu lo‘u nei agaga i ou ‘a‘ao;” ‘Ua ia fetalai atu ia ‘upu, ‘ona tō ai lea o lana mānava.

‘Ua latou o‘o atu i le mea e ta‘ua o le mea o i ai le ulupo‘o, ‘ua latou fa‘asatauro ‘iā te ia i lea mea ma ē pagotatā, o le tasi i le itū taumatau ma le tasi i le itū tauagavale.

‘Ua o‘o i le tutonu o le lā, ‘ona pogisā uma ai lea o le nu‘u, ‘ua o‘o lava i le itūlā e tolu. ‘Ua fa‘apouliuliina fo‘i le lā; o le ‘ie puipui fo‘i o le malumalu ‘ua saeluagalemuina.

‘Ua iloa e le ta‘ita‘i o le to‘aselau le mea ‘ua faia, ‘ona vivi‘i atu lea o ia i le Atua, ‘ua fa‘apea atu, “E moni o le tagata amiotonu lenei.”