Popular Bible Verses from John 12

Share

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

Mbe la dune ye khuna-i yukꞌensiꞌ de, ꞌet de ye khúna-i ninta itáꞌalh whe ꞌuntꞌoh. ꞋEt hoontsꞌi mbe la ndi yun kꞌut ye khúna-i ooba ꞌantsꞌi yintꞌoh de, yootatun whe ꞌilhiz ooleꞌ hutinalh.

Soo tsꞌihꞌun unꞌa nohdúsni, ha nuyeh-i oomaiꞌ ꞌaw yun kꞌut nálhniltsꞌulh de, dantꞌoh la ꞌet za ndutitꞌelh. ꞋEt hoontsꞌi yun kꞌut ánisꞌai de, soo lhai oomaiꞌ-i, ꞌi ooghu ha náyuntijeh.

Yinka whuduneꞌne ba be hóotꞌen-i ꞌet hukwa ndi yun kꞌut nenúsya. ꞋEt huwa mbe la ooba ꞌalhaꞌ ꞌustꞌoh-un, ꞌaw tsálhgus yo hudoltsꞌiꞌ ꞌaítꞌoh.

ꞋInkꞌez mbe la sghuni hiditsꞌo hoontsꞌi buba ꞌalhaꞌ lheꞌyítꞌoh de, ꞌaw buba nahoosyeh ꞌaítꞌoh. Ndi yun kꞌut whuduneꞌne buba nahutisyeh íloh ha whusásya, ubutisyih ha whusásya.

ꞋEt Mary lubot dizbun atꞌen, kꞌunutsꞌújul soo díztiꞌ-i, ꞌughih nard huyulhni, ꞌi utahaltsus-i whusayánꞌai. ꞋI be Jesus yuke yulhlho ꞌinkꞌez dutsighaꞌ be yunaꞌalhde. Yoh ndulcho whe kꞌunutsꞌújul be soo whultsun suliꞌ.

ꞋUl hudílhchoot ꞌinkꞌez ꞌi hidilelh whe hidudizdil ꞌinkꞌez tube cho ꞌuhutni, “Yakꞌusda ooba whudúlhtiꞌ! Mbe la neMoodihti booziꞌ gha whusaínya-un, ꞌen ꞌukꞌenus hoonzoo-un oogha whultsꞌut! ꞋEn Israel ootsꞌu haindene bulerwe ꞌuntꞌoh!”

ꞋEt Jesus ubúlhni, “ꞋAwet Yinka Dune Yeꞌ ooba whudutáltiꞌ-un, ꞌet whusahónzut.