Popular Bible Verses from Lucas 16

Share

Tan ab'il uva' jik chit itxumb'al ti' tilat isuuchil unb'ooj uva' kat oksal tiq'ab', as echat chit la ib'ane', k'uxh nimal chit la aq'ax ste ti' tilat isuuchil. As ab'il uve' jit jik itxumb'al ti' tilat isuuchil unb'ooj uva' la oksal tiq'ab', as echat chit la ib'ane', k'uxh nimal chit la aq'ax ste.

As la val sete, tan ye' la uch taq'onvu umaj k'am xe' ka'va'l unq'a b'aal aq'one', tan la tixva kan u k'ame' uma'l u b'aal aq'one'. As la ixo'ni uma'te. As moj la inima u k'ame' uma'l u b'aal aq'one'. As ye' la inima uma'te. Esti'e' la val sete, etoksataj etaama ti' u Tiixhe', tan asoj netoksa etaama ti' u tx'iib'al eq'iie' vatz u tx'ava'e', as ye' la uchi uva' la etoksa etaama ti' enimat u Tiixhe',— ti'k u Jesús.

Esti'e' tuk val sete, tan asoj ye' kat etil isuuchil unq'a tx'iib'al q'iie' tib'a'nil uva' kat aq'ax sete, as ye'xheb'ile' la aq'on ve't u tx'iib'al q'iie' sete uva' ye'l iya'teb'al. Tan asoj ye' kat etx'ol etilat isuuchil u tetz u Tiixhe' uva' kat aq'ax sete vatz u tx'ava'e', as ¿aal kol la aq'ax unq'a b'a'nile' q'a sete uva' nisa' u Tiixhe' taq'at sete?

Ech tal ve't u Abraham ile': «Asoj ye' nisa' chajnaj inimat viyol u Moisés tuk' unq'a q'ajsan tetz viyol u Tiixhe', as eche' la koj chit inima chajnaj k'uxh la ul taama umaj kamnaj ti' b'en talat isuuchil te chajnaj,» ti'k u Abraham tala,— ti'k u Jesús.

As ab'il uva' la ijatxe'l u tixqele' as la teq'o tib' tuk' uma't ixoj, as la paavin ve't naj. As ab'il uve' la teq'o tib' tuk' u ixoje' uve' jatxel tib' tuk' vitzumele', as la paavin ve'te',— ti'k u Jesús.