Popular Bible Verses from Lucas 18

Share

As tal ve't u Jesús uma't u k'uchuvatz te unq'a ichusulib'e' ti' uva' la chit inach chajnaj Tiixh, as ye' la pal ik'u'l chajnaj ti' inachax Tiixh.

¿As a' kol chit ye' la ib'an u Tiixhe' q'a sete tuk' unq'a uxhchile' uva' txaael ta'n Aak, jank'al ex uva' ye' neya' ti' enachat Tiixh sq'iil aq'b'al? ¿As ma la b'alax u Tiixhe' b'a ti' ib'anat esuuchil? Ye'le ta'. Pet tuk val sete, tan oora kuxhe' la ib'an Aak esuuchil. Pet tul uva' la ul VIK'AOL U NAJE' vatz u tx'ava'e', ¿as ma nimatel tenam k'ujle'l ik'u'l svi' tul uva' la uli?— ti'k u Jesús.

Ech tal ve't u Jesús ile': —Kam uve' ye' nitx'ol unq'a uxhchile' ib'anata', as la oleb'e' u Tiixhe' ti' ib'anata',— ti'k u Jesús.

As jatpajul kuxh nikat toon u txakay ixoje' vatz u b'anol isuuchil unq'a tename'. As eche' nikat koj tab'i naj viyol u ixoje'. Pet xamtik ve't stuul, as ech tal ve't je' naj ile' ste: «K'uxh ye'l u Tiixhe' nunnima, as k'uxh ye'xheb'il nunxo'va, as tuk unb'an isuuchil u ixoje', tan ya'ltu kuxh ixoj svi'. As tuk paloj unk'u'l ta'n ixoj,» ti'k u b'anol isuuchil unq'a uxhchile',— ti'k u Jesús.

As jik chit tuk val sete, tan ab'il uva' jit'e'ch vitxumb'ale' eche' itxumb'al umaj talaj intxa' la ib'ane' ti' uva' la til u Tiixhe' isuuchil, as ye'l tokeb'al xo'l vitenam u Tiixhe' uva' ni til Aak isuuchil,— ti'k u Jesús.

As imolo ve't tzan Aak unq'a ichusulib'e'. As ech tal ve't Aak ile' ste: —Echajputaj ok tzan unq'a talaj intxa'e' sunk'atz. As ye' kuxh emaj chiintxa', tan ab'il uva' ech itxumb'ale' eche' vitxumb'al unq'a talaj intxa'e', as a'e' uve' at tokeb'al xo'l u tename' uve' at jaq' u tijle'm u Tiixhe'.

As ech tal ve't Aak ile': —Kat b'a'nxiye' vavatze', tan kat ak'ujb'a' ak'u'l svi',— ti'k Aak.

Ech tal ve't u Jesús ile': —¿Kam q'i uva': «B'a'nla Chusul,» ch'axh sve? Tan ye'l umaj b'a'nla chusul ati. Pet ta'ne' u Tiixhe'.