Popular Bible Verses from Lucas 4

Share

—Uyepotorî yekaton man uupia. Mîrîrî ye'nen mîîkîrîya umo'ka'pî tekare ekareme'to'peuya kai'ma manni'kan sa'ne î' ton pînon pî'. Moropai manni'kan to' e'pîika'tî eserîkankon pepîn, teeyatonon newa'tî'san inkamoro rumakato'peuya umo'ka'pîiya. Moropai enkaru'nankon sa'ne yenu yenponkato'peuya inî'rî era'mato'pe to'ya. Moropai tîwe'taruma'tîi tîîko'mansenon e'taruma'tî namai to' pîika'tîto'peuya umo'ka'pîiya. Moropai tîpemonkonoyamî' pia uyarima'pîiya î' pensa to' pîika'tî Uyepotorîkonya ekareme'to'peuya —ta'pîiya.

Jesusya mîîkîrî maimu yuuku'pî: —Paapa maimu e'menukasa' man see warantî: “Ayepotorî Paapa yapurîkî. Mîîkîrî maimu yawîrî neken ako'mankî”, taasai'ya man —ta'pîiya.

Mîîkîrî maimu yuuku'pî Jesusya. Ta'pîiya: —Paapa maimu e'menukasa' man pena see warantî: “Tiyu pî' neken pemonkon ko'mamî pepîn”, taasai'ya man —ta'pî Jesusya.

Morî Yekaton Wannî yarakkîrî Jesus enna'po'pî iren Jordão kapai. Itesa' pe mîîkîrî Morî Yekaton Wannî wanî'pî. Mîrîrî ye'nen Jesus yarî'pîiya keren pona.

Mîîkîrî maimu yuuku'pî Jesusya: —Tîîse Paapa maimu e'menukasa' man see warantî: “Ayepotorî Paapa tonpai pra e'kî”, taasai'ya man —ta'pîiya.

Tamî'nawîrî mîrîrî warantî Jesusya imakui'pî kupî emapu'tî yonpa'pî Makuiya, tîîse ikupîiya pra awanî'pî. Imaimu yawîrî Jesus wanî pîn. Mîrîrî ye'nen Makuiya irumaka'pî mararî, moropai tîîko'manse pu'kuru pra iipia tîwenna'popa.

Mîrîrî tîpo inî'rî Makuiya Jesus yonpa'pî. Moropai yarî'pîiya kawînan wî' pona. Moropai tamî'nawîronkon pemonkonyamî' ko'manto'kon patakon yenpo'pîiya tiwinarî. Moropai ta'pî Makuiya Jesus pî': —Tamî'nawîrî sîrîrî morî tîrîuya aapia ipîkku pe awanîpa, pemonkonyamî' esa' pe awanîpa. Mîrîrîya meruntî ke awanî amaimu yawîrî tamî'nawîronkon ko'mamî. Tamî'nawîrî sîrîrî uupia itîîsa' tîrîuya e'painon, anî' itu'se uurî e'to' pia. Mîrîrî ye'nen tîrîuya aapia, awe'sekunka ya uyapurîi —ta'pîiya Jesus pî'. Jesusya mîîkîrî maimu yuuku'pî: —Paapa maimu e'menukasa' man see warantî: “Ayepotorî Paapa yapurîkî. Mîîkîrî maimu yawîrî neken ako'mankî”, taasai'ya man —ta'pîiya.

Mîrîrî tîpo inî'rî Makuiya Jesus yarî'pî Jerusalém pona epîremanto' yewî' neka'ta pona, kawînan panpî' pona yanu'nîpî'pîiya. Moropai ta'pîiya Jesus pî': —Innape Paapa munmu pe awanî. Maasa arapunkî tarîpai non pona. Maasa pra Paapa maimuya taasa' man: “Paapaya tîpoitîrîtonon inserîyamî' yarima pe man aapia apîika'tîto'pe to'ya. Tenyakon ke ayapisî to'ya tî' pona a'pu pa'tîya namai”, taasai'ya man —ta'pî Makuiya ipî'. —Mîrîrî ye'nen arapunkî —ta'pîiya Jesus pî'. Mîîkîrî maimu yuuku'pî Jesusya: —Tîîse Paapa maimu e'menukasa' man see warantî: “Ayepotorî Paapa tonpai pra e'kî”, taasai'ya man —ta'pîiya.