Popular Bible Verses from Génesis 17

Share

Jaꞌ naj Abram ey 99 abꞌil skꞌinal, yet jix xꞌoxon sbꞌa Jehová tet naj junelxa, jix yalon tet jaxca tiꞌ: —Jain ton Jehová jin an, chi skeꞌ wu masanil, watxꞌ cꞌal cha wute ja bꞌa jin sattaj.

Manxa Abram oj ja bꞌi, jaꞌ tinaniꞌ Abraham xa ja bꞌi, yutol oj jaach waoc yichmamoj ecꞌaloj conobꞌ.

Jaꞌ jun jin wa kꞌane chi wakꞌcan ja wetoj tiꞌ, cꞌal yetoj masanil ebꞌ ja wicꞌaal, tol jain Jehová jin, sDiosal jin pax ebꞌ.

—Jaꞌton jun jin wa kꞌane tiꞌ oj wal can ja wetoj: Tol oj jaach oc yichmamoj ecꞌaloj conobꞌ.

Catuꞌ jix takꞌwi Jehová tet Abraham jaxca tiꞌ: —Tol jix wal ey jaach tol oj aloj junoj ja cꞌaal yetoj ix Sara. Oj ja wakꞌ yij sbꞌi Isaac, jaꞌton yetoj naj oj wakꞌ jun jin wa kꞌane tiꞌ, yetoj ebꞌ yicꞌaal naj.

Jaꞌ tinaniꞌ oj wakꞌ masanil txꞌotxꞌ Canaán tiꞌ ey jaach, yetoj tet ebꞌ ja wicꞌaal yin junelne, catuꞌ oj jin oc sDiosaloj ebꞌ an, ẍi Jehová tet Abraham tuꞌ.

Jaꞌ yet jix yabꞌen naj Abraham jun tuꞌ, catuꞌ jix ey noanoj, masantaꞌ jix ey spalan naj sat txꞌotxꞌ, catuꞌ jix cꞌoli stzee naj, jix snaꞌoꞌtaneni: ¿Tumi taꞌ oj to aloj junoj jin cꞌaal? ilaꞌ tol eyxa 100 abꞌil jin kꞌinal, catuꞌ 90 abꞌil xa skꞌinal ix Sara. ¿Tumi oj to wal yijoc yuneꞌ ix? ẍi naj yin snaꞌbꞌal.

Jix yalon pax Jehová tet Abraham jaxca tiꞌ: —Jaꞌ yet cu sattajto tuꞌ, manxa Sarai oj yij sbꞌi ix ja wistil tiꞌ, jaꞌ tinaniꞌ xin, tol Sara oj yij can a sbꞌi ix.

yuxan tol chi iꞌle el niꞌoj stzꞌuumal swinajil ebꞌ winaj unin. Jaꞌ jun tuꞌ, yechel jin wa kꞌane chi yun can je yetoj.

Jaꞌ jin wa kꞌane jix wakꞌ ja wetoj tiꞌ, oj yun cꞌaltaꞌ yin naj Isaac, naj ja cꞌaal oj aloj yetoj ix ja wistil Sara, yabꞌ wal jaxca tiꞌ yet junxa abꞌil, ẍi Jehová tet naj.

Jujubꞌix ojabꞌ yali junjun winaj unin, catuꞌ chi ale oc jun echele tuꞌ yin ebꞌ, caxcꞌal je yuninal ma yuninal ebꞌ je yakꞌomal servil. Sowalil chi ale oc yechel ebꞌ je yakꞌomal servil tuꞌ, cꞌal ebꞌ tol manbꞌil bꞌey txꞌoj conobꞌal. Sowalil chi ale oc jun echele tuꞌ je yin junjun jex, yin cꞌam cꞌal chi eqꞌui. Jaxca tuꞌ xin, jaꞌ jun jin wa kꞌane je yetoj tiꞌ, miman txequel ojabꞌ yin je mimanil.