Popular Bible Verses from Juan 3

Share

Yu caw ey scamcꞌulal Dios yin ebꞌ yul yibꞌankꞌinal tiꞌ, yuxan jix yatej jun qꞌuetxan Scꞌaal. Jaꞌ mactxequel chi yaoc scꞌul yin Naj Scꞌaal Dios tuꞌ, man oj qꞌueyeloj, ey skꞌinal yin tobꞌalkꞌinal.

Jix yatej jun Scꞌaal Dios yul yibꞌankꞌinal tiꞌ yu scolcha can el ánima, man yu oj sqꞌueyon can el ebꞌ.

Catuꞌ jix yalon Jesús tet naj jaxca tiꞌ: —Caw yel chi wal ey jaach an, jaꞌ mactxequel cꞌam chi ali el yet scaelal, ma skeꞌ yoc yul skꞌabꞌ Dios, ẍi Jesús tet naj.

Jaꞌ mac chi yaoc scꞌul yin Scꞌaal Dios tuꞌ, jajbꞌil eloj. Jal pax mac cꞌam chi yaoc scꞌul yin Naj xin, majan ebꞌ yutol cꞌam chi yaoc scꞌul ebꞌ yin jun qꞌuetxan Scꞌaal Dios.

Jain tiꞌ, jix jin eyol yul yibꞌankꞌinal tiꞌ yu wakꞌon sajkꞌinal yin spixan ebꞌ ánima. Ey pax ebꞌ cꞌam chi ochen jun sajkꞌinal tiꞌ, yuxan oj cꞌal cancan syaꞌilal yibꞌan ebꞌ. Asan kꞌejkꞌinal chi yoche ebꞌ, yutol asan spenail chi el yunen ebꞌ.

Jaꞌ Naj Jesús tuꞌ, sowalil chi a cꞌal can yopiso naj. Jal jin xin, cꞌuancꞌulal chi tancan ey wopiso, ẍi naj Juan tet ebꞌ scuywom tuꞌ.

Jaꞌ masanil ebꞌ chi unen spenail, ma yoche jun sajkꞌinal tiꞌ ebꞌ. Cꞌam chi yal scꞌul ebꞌ chi ẍaꞌ, yutol chi xiw ebꞌ ta chi txeclo el wan tzet man watxꞌoj chi el yunen ebꞌ tuꞌ.

Jaꞌ mac chi yaoc scꞌul yin Naj Scꞌaal Dios tuꞌ, ey skꞌinal tol ey cꞌal yin tobꞌalkꞌinal. Jal pax mac cꞌam chi yaoc scꞌul yin Naj xin, ma ẍaꞌ kꞌinale ebꞌ tol ey cꞌal yin tobꞌalkꞌinal. Jaꞌ tiꞌ yet ebꞌ, tol chi eytej sjowal scꞌul Dios yibꞌan ebꞌ.

Jain tiꞌ, jain Akꞌbꞌil Wopiso yu Dios xol ebꞌ ket animail, jaxca cꞌal jix yute stꞌunbꞌan a jun chꞌen yechel labꞌa naj Moisés bꞌey cusiltaj txꞌotxꞌ, queytuꞌ oj yun wa tꞌunan oj.

Scꞌaal cu Mam Dios jun tuꞌ, caw camcꞌulnebꞌil yu. Yuxan, jaꞌ Smam tuꞌ, jix aon oc masanil tzetyetal yul skꞌabꞌ yu yakꞌon cuenta.