Popular Bible Verses from Lucas 13

Share

—Akꞌwej je yip je yoc bꞌey jun jaxca yaliẍ puerta. Yutol chi wal ey jex, ecꞌal ebꞌ chi yakꞌle yoqui, ma pax skeꞌ yoc ebꞌ.

Ey jun ix ix eyecꞌ tituꞌ, 18 abꞌil xa yaꞌ cꞌal ey ix yu jun pena espíritu. Eynaj can locan snan ix yu. Cꞌamxa chi jichlo a linan ix. Jaꞌ yet jix yilon Jesús tol eyecꞌ ix, jix awteletej ix yu Naj scꞌatan. Jix yalon Naj tet ix jaxca tiꞌ: —Txo ix, tol chach waꞌxi yin jun ja yaꞌilal tiꞌ wu an, ẍi Jesús tet ix.

Catuꞌ jix sbꞌatxbꞌan oc skꞌabꞌ Jesús yibꞌan ix. Yet jun txolan tuꞌ, jix jichlo can snan ix. Jix cꞌoli yalon watxꞌ kꞌane ix tet Dios.

Ey mac cꞌamxa cꞌal niꞌoj yeloc apnoj cu xol tinaniꞌ. Jal yet jun stiempoal tuꞌ, oj oc ebꞌ yin yel miman yeloc apnoj tituꞌ. Ey pax mac caw miman yeloc apnoj cu xol tinaniꞌ. Jaxa pax yet jun tiempoal tuꞌ, oj oc pax ebꞌ yin cꞌamxa niꞌoj yeloc apnoj tituꞌ, ẍi Jesús.

Yutol jaꞌ Dios, laan jaxca junoj yaaw na. Chi a waanoj, chi smajchen sna. Oj lawoj tuꞌ, jaxa jaex chex can linan stiꞌ na tuꞌ, oj to je yakꞌle je yawi octoj jaxca tiꞌ: “Mamin, jajon octoj ja wetoj,” je chi tole. “Man wotaj oj jex, catuꞌ man wotaj oj bꞌey ey jex ocoj,” ẍi eltej oj takꞌwoj.

Jain chi wal ey jex, cꞌamaj. Jal jex jaex tiꞌ, ta cꞌam che naꞌ je bꞌa yin je penail, oj jex cam je masanil jaxca ebꞌ tuꞌ, ẍi Jesús tet ebꞌ.

Jaxa oj yun stakꞌwoj Dios ey jex jaxca tiꞌ: “Jix wal ey jex, tol man wotaj oj jex, catuꞌ man wotaj oj bꞌey ey jex ocoj. Elanwej je masanil jex che yun spenail,” ẍi Dios ey jex.

Jix yalon pax Jesús jaxca tiꞌ: —¿Tzet utbꞌil chi yun ẍꞌibꞌ sbꞌisil ebꞌ ánima chi oc Dios Yaawiloj che naꞌ? Oj waltej jun kꞌane tiꞌ je yabꞌe. Jaꞌ ebꞌ ánima tuꞌ, laan ebꞌ jaxca junoj jinat mostaza chi yaw junoj ánima sat xꞌotxꞌ. Jaꞌ jun jinat tuꞌ, chi aoloj, chi chꞌibꞌi. Laan chi yun jaxca teꞌ teꞌ mimejtaj. Chi chꞌibꞌ teꞌ masantaꞌcꞌal chi skeꞌ swey noꞌ tzꞌiquin xol skꞌabꞌlaj, ẍi Jesús.