Popular Bible Verses from Marcos 14

Share

Jix yal yin xa jaxca tiꞌ: —Mamin, masanil cꞌal tzetyetal chi cꞌal skeꞌ ja wu. Ta chi skeꞌ tol cꞌam chi jul jun syaꞌilal tiꞌ wibꞌan. Man ojabꞌ jaxca oj tzet chi woche jain tiꞌ an, jaꞌ ojabꞌ ja wochwan chi yunne, ẍi Jesús.

Iꞌwej el je weyan. Txalanwej, yet watxꞌ cꞌam chex eyqꞌueyi, yet ey mac chi yakꞌle jex yijbꞌan yin spenail. Jaꞌ cu pixan tecꞌan ton yei, jal pax cu mimanil cꞌam chi techa yu, ẍi Jesús tet ebꞌ.

Caw yel chi wal ey jex an, yal cꞌal tzet conobꞌal yul yibꞌankꞌinal tiꞌ bꞌey oj al-le el skꞌaneal yet colbꞌanile, oj al-le pax el skꞌaneal jun tzet jix yun ix ix tiꞌ, yu snaꞌletej ix, ẍi Jesús tet ebꞌ.

Yuxan jix yal tet ebꞌ jaxca tiꞌ: —Ian chin cam yu cuscꞌulal chi wabꞌ an. Cananwej titiꞌ, iquis ojabꞌ jex wetoj an, ẍi Naj tet ebꞌ.

Lalan slow ebꞌ, jix yiꞌon a ixim pan tuꞌ Jesús. Jix yalon yu diosal yu ixim. Jix lawi tuꞌ jix spoꞌon eyoj, jix yakꞌon tet ebꞌ: —Loꞌwej, jaꞌton jin mimanil tiꞌ, ẍi Jesús tet ebꞌ.

Catuꞌ jix yiꞌon pax a jun vaso. Jaꞌ yet jix lawi yalon yu diosal yu, catuꞌ jix yaontoj tet ebꞌ. Masanil ebꞌ, jix uqꞌuen eltej tzet eey yul jun vaso tuꞌ. Jaꞌton jun tiꞌ jin chiqꞌuil. Jaꞌ yu, yuxan oj yun jun acꞌ swa kꞌane Dios. Oj el jin chiqꞌuil tiꞌ, yet watxꞌ ecꞌal mac oj colcha yu.

Jix yalon Jesús tet ebꞌ tituꞌ jaxca tiꞌ: —Jaꞌ yet jun akꞌbꞌal tiꞌ, oj caabꞌlabꞌoj a je cꞌul win je masanil an. Queytuꞌ yalon can yul An Juun Tzꞌibꞌebꞌilcanoj, chi yal jaxca tiꞌ: “Oj wakꞌ cam naj ilom meꞌ. Jaꞌ noꞌ meꞌ tuꞌ, oj sajlem cantoj noꞌ,” ẍi An Juun tuꞌ.

Aan linanoj toonwej. Chi jul naj oj jin aon oc yul skꞌabꞌ ebꞌ, ẍi Jesús tet ebꞌ.

—Caw yel chi wal ey jaach an, jaꞌ yet jun akꞌbꞌal tiꞌ, oxelxa jin ja wiꞌon el ja win catuꞌ oj okꞌ noꞌ caẍlan yet scaelal, yet oj ja waloni, tol ma jin ja wotaj oj, ẍi Jesús tet Pedro tuꞌ.