Popular Bible Verses from Marcos 16

Share

Catuꞌ jix yalon tet ebꞌ jaxca tiꞌ: —Asiꞌwej bꞌey masanil yul yibꞌankꞌinal. Asiꞌ alwej el skꞌaneal yet colbꞌanile xol masanil ánima.

Jaꞌ ebꞌ oj yaoc yin scꞌul, oj skeꞌ xꞌoxon wan milagro ebꞌ tiꞌ: Oj skeꞌ yiꞌon can el pena espíritu ebꞌ yin ánima yu wipal an. Oj kꞌanabꞌ a ebꞌ yin txꞌoj tiꞌeal. Ta chi smitxꞌ labꞌa ebꞌ, ta chi yucꞌ eytoj ebꞌ junoj tzetyetal tol chi cam ánima yu, cꞌam tzet oj ion ebꞌ. Ta chi sbꞌatxbꞌa oc skꞌabꞌ ebꞌ yibꞌan ebꞌ yaꞌey, oj waꞌxoj can scꞌul ebꞌ yu ebꞌ, ẍi Jesús.

Jaꞌ mac oj yaoc yin scꞌul, catuꞌ chi yakꞌon bautizar sbꞌa, oj colchaoj. Jal pax mac cꞌam chi yaoc yin scꞌul xin, oj jul syaꞌilal yibꞌan.

Catuꞌ jix too ebꞌ yalon el skꞌane Dios tuꞌ bꞌey junjun conobꞌ. Jix oc cꞌal Naj Kaawil yetoj ebꞌ. Jacꞌal Naj jix mulna yetoj ebꞌ, yet watxꞌ chi txeclo eloj, tol yel jun kꞌane chi ecꞌ yalel ebꞌ tuꞌ./

Catuꞌ jix yalon jun ángel tuꞌ tet ebꞌ ix: —Manche jex xiwi. Jaex tiꞌ, jaꞌ Jesús a Nazaret che seyecꞌoj, jun jix ale oc yin culus. Jix pitzcꞌu aoj. Cꞌamxa mac eyecꞌ yul chꞌen chꞌen tiꞌ. Ilwej bꞌey jix jul ale octoj Naj yu ebꞌ tiꞌ.

Jaꞌ chꞌen smajil tuꞌ caw miman chꞌen. Jaxa jix yun yilontoj ebꞌ, tol elnaj xa chꞌen. Catuꞌ jix yilon ebꞌ yet jix oc apnoj ebꞌ yul chꞌen chꞌen tuꞌ, chotan ey jun ángel bꞌey swatxꞌ kꞌabꞌ ebꞌ, jaxca yili junoj achꞌe. Eyoc jun jojan saj pichile yu. Caw jix xiwa ebꞌ ix sicꞌlebꞌil.