Popular Bible Verses from San Lucas 16

Share

Li ani ti̱c xchꞌo̱l chixba̱nunquil li yal caꞌchꞌin, ti̱cak ajcuiꞌ xchꞌo̱l chixba̱nunquil li nabal. Ut li ani incꞌaꞌ ti̱c xchꞌo̱l chixba̱nunquil li yal caꞌchꞌin, incꞌaꞌ ajcuiꞌ ti̱cak xchꞌo̱l chixba̱nunquil li nabal.

Ma̱ ani ta̱ru̱k ta̱cꞌanjelak chiru cuib chi patrón. Ma̱re tixra li jun ut xicꞌ ta̱ril li jun chic, malaj ut xicꞌ ta̱ril li jun ut tixra li jun chic. Incꞌaꞌ naru texcꞌanjelak chiru li Dios cui junes le̱ biomal nequecꞌoxla.

Cui la̱ex incꞌaꞌ nequenau xra̱bal li biomal saꞌ ruchichꞌochꞌ, ¿chan ta cuiꞌ ru nak tixcꞌojob xchꞌo̱l li Dios chixqꞌuebal e̱re li tzꞌakal biomal? Ut cui incꞌaꞌ nequenau xra̱bal li cꞌaꞌru re jalan, ¿chan ta cuiꞌ ru nak ta̱kꞌaxtesi̱k e̱re la̱ex li cꞌaꞌru tzꞌakal e̱re?

Aꞌut laj Abraham quixye re: “Cui incꞌaꞌ nequeꞌrabi li quixye laj Moisés ut eb li profeta, incꞌaꞌ ajcuiꞌ teꞌpa̱ba̱nk usta ta̱cuacli̱k cuiꞌchic chi yoꞌyo junak saꞌ xya̱nkeb li camenak,” chan laj Abraham.

Li ani tixjach rib riqꞌuin li rixakil ut ta̱sumla̱k riqꞌuin jalan chic ixk, aꞌan tixmux ru lix sumlajic. Ut li cui̱nk li ta̱sumla̱k riqꞌuin junak ixk li ac xjach rib riqꞌuin lix be̱lom, tixmux ru lix sumlajic.