Popular Bible Verses from San Lucas 9

Share

Li Jesús quixye reheb chixjunileb li cuanqueb aran: —Li ani ta̱raj inpa̱banquil tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul, usta ta̱camsi̱k saꞌ incꞌabaꞌ. Ut chinixta̱kehak.

Li ani ta̱tzꞌekta̱na̱nk cue re xcolbal rix lix yuꞌam arin saꞌ ruchichꞌochꞌ, tixtzꞌek li junelic yuꞌam. Aꞌut li ani naxsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

Ut li Jesús quixye re: —Li ani naxtiquib cꞌanjelac chiru li Dios ut cui toj yo̱ chixcꞌoxlanquil li cꞌaꞌru re, li jun aꞌan incꞌaꞌ us chokꞌ aj cꞌanjel saꞌ lix nimajcual cuanquilal li Dios, chan li Jesús.

¿Cꞌaꞌru tixra junak li cui̱nk cui ta̱re̱chani chixjunil xbiomal li ruchichꞌochꞌ ut tixtzꞌekta̱na li junelic yuꞌam?

Li ani ta̱xuta̱na̱k inban malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin inlokꞌal ut riqꞌuin xlokꞌal lin Yucuaꞌ cuochbeneb li santil ángel, chan li Jesús.

Li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc. Abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinhila̱nk cuiꞌ.

Ut quixye reheb: —Li ani ta̱cꞌuluk re junak chꞌina al joꞌ aꞌin saꞌ incꞌabaꞌ la̱in, tinixcꞌul ajcuiꞌ la̱in; ut li ani ta̱cꞌuluk cue la̱in, tixcꞌul ajcuiꞌ li ani xtaklan chak cue. Joꞌcan nak li ani cubenak xcuanquil saꞌ e̱ya̱nk anakcuan, aꞌanak chic li nimak xcuanquil.