Popular Bible Verses from João 10

Share

Vẽnh mẽg tỹ carneiro pigju(g) tĩ ẽn vỹ carneiro pigju hã jé kãtĩ tĩ, fag kãgtén jé, fag kókén jé. Ti jãvo sóg fag ki rĩr há han hã jé kãtĩg, fag tỹ jagtar tũ nĩ jé, fag mỹ sér tĩ jé,” he tóg.

“Ũ tỹ carneiro ki rĩr há han tĩ ri ke inh nĩ gé. Ti hã vỹ ti mẽg jagfy ter ke mũ, fag krenkren jé.

Inh mẽg fag vỹ inh vĩ mẽg tĩ, fag ki kanhró sóg nĩ, hã kỹ fag tóg inh mré mũgtĩ.

Fag jagfy sóg ter ke mũ, kỹ fag tóg kãgter ke tũ nĩ. Mĩg vỹ fag kugmĩnh ke tũ pẽ nĩ gé, isỹ fag jy nĩgãn kỹ.

Inh hã vỹ fag mỹ jãnkã ri ke nĩ. Ũ tỹ inh ki rã mũ vỹ kren ke mũ, kỹ tóg ti tỹ jãnkã ra rã ri ke nĩ. Kã ra tóg rã tĩ. Kar kỹ tóg tá kãkutẽ tĩ gé, ti tỹ vẽjẽn há ve je.

Ti jãvo sóg carneiro ki rĩr há han tĩ. Inh mẽg ki kanhró sóg nĩ, kỹ fag tóg inh ki kanhró nỹtĩ gé.

Inh panh tỹ inh mỹ ũn vin mũ fag hã vẽ, inh mẽg fag. Vẽnh kar kãfór ti nĩ. Kỹ ũ pijé ti tũ ag pigju tĩ', ti tỹ tỹ vẽnh kar kri ke nĩn kỹ. Inh panh mré sóg tỹ ũn pir nĩ,” he tóg.

Ri ke ti nĩ gé, inh panh mré. Inh ki kanhró tóg nĩ, kỹ sóg ti ki kanhró nĩ gé. Kỹ sóg inh mẽg jagfy ter ke mũ.

Iser sór tũ nĩ ra ũ pijé isén ke mũ vẽ'. Hã ra sóg fag jagfy ter sór mũ. Iser sór kỹ sóg ter ke mũ. Inh rĩr mãn sór kỹ sóg rĩr mãn ke mũ gé. Inh panh tỹ inh mỹ nén tó mũn hã vẽ,” he tóg.

Hã ra Jesus tóg ag mỹ: “ki hã sóg tó mũ,” he mãn mũ. “Carneiro jy ró jãnkã ri ke inh nĩ,” he tóg.

Kỹ ũ camarada vỹ tag ri ke tũ nĩgtĩ. Mĩg kamẽg jé tóg ke mũ. Ti tỹ mĩg ve kỹ tóg vẽnhvãg tĩg ke mũ, ti patrão mẽg tovãnh kỹ. Kỹ mĩg vỹ fag kugmĩnh ke mũ. Kỹ fag tóg vẽnh kãpugpóv ke mũ gé, mĩg tugrĩn. Ti camarada mẽg pijé', ti patrão mẽg vẽ, hã kỹ tóg fag jy nĩgãn há han tũ nĩ.

Kỹ Jesus tóg: “ha mẽ,” he mũ. “Ẽg tỹ ẽg mẽg tỹ carneiro jy ró han kỹ ẽg tóg, ti jãnkã ra rã tĩ. Jãvo ũ tóg kejẽn, ró to tãpry kỹ pãte rã sór tĩ, ti tỹ carneiro péju sór kỹ.