Popular Bible Verses from Mateus 2

Share

Tá ag tóg ũn sĩ vég mũ, ti mỹnh fi ke gé. Kỹ ag tóg ti krẽm grĩnhgrĩnh ke mũ, ti mỹ: “tỹ ã Topẽ kósin nĩ,” he jé. Kỹ ag tóg ti mỹ ag tũ ti vin mũ sir, ouro ti, ka jẽnjo tỹ incenso ti ke gé, kar kỹ ka tỹ mirra jẽnjo ke gé.

Fi tỹ Jesus ve ẽn kã fag tóg ẽmã tỹ Belém tá nỹtĩ, ga tỹ Judéia tá. Ẽn kã Herodes vỹ tỹ pã'i mág nĩ. Kỹ kejẽn ũ ag tóg kuvar há tá kãmũ mũ, rã jur ja tá. Ũn estudo mág ag vẽ, krĩg to ag tóg estudar he mág han tĩ. Ag tỹ Jerusalém tá junjun kỹ ag tóg sir: “ũ tỹ ũri mur mũ tag vỹ tỹ Israel ag pã'i mág nĩnh ke mũ,” he mũ. “Ti kri ẽg krĩg vé, ẽg tỹ ẽg jamã tá nỹtĩn kỹ. Ẽg tỹ ti mỹ nén ũ há gé kãmũ vẽ,” he ag tóg.

Ag mũ ra ag tóg krĩg ẽn ve mãn mũ gé sir. Ag jo tóg tĩ nĩ. Ag tỹ tá junjun kỹ krĩg ẽn tóg ũn sĩ nĩgja ẽn kri sa nĩ sir. Kỹ ag fe tóg mrin ke mũ sir.

Hã ra Topẽ tóg, ag vẽnh péti ki ag mỹ: “Herodes mỹ tó tũg nĩ,” he mũ sir. Hã kỹ ag tóg ẽpry ũ jagma mũ kỹ ag jamã ra vỹnvỹn ke mũ sir, rã jur ja ra. Ag mũ kar kỹ José tóg kejẽn Topẽ tỹ jẽnẽ jafã vég mũ, ti vẽnh péti kỹ. Kỹ tóg ti mỹ: “ũn sĩ va tĩg, ga tỹ Egito ra, ti mỹnh fi mré. Herodes vỹ ti tén sór mũ. Kejẽn sóg ã mỹ: ha vỹn ké, henh ke mũ. Egito tá inh vĩ jãvãnh nĩ,” he tóg.