Popular Bible Verses from Ducas 13

Share

Nuquin Papa yacno puduedtequid shëcuë pistsëcquio iquendac. Aidëmpinquio puduednun Nuquin Papa tantiec bëdambuec tabadta. Utsibo dadpen puduedte bunequi ambi tantiaid utsi icnuc tsucusec puduedtiapimbo iquendac.

Aden chuibannubien ambobi seta dadpen 18ted matanmequin podobitsi icsan cashuabudac cacuetiapimbocquid chido icpanëdash. Adquid icsho istanquin Esusën: Nëmbo cho, catanquin: Cashuabudaid icbuedi nëbi cacue uaid mibi iquendac, catanquin

chido mishac cacuetanec: Nuquin Papan nadatiambocquin bëdamiaid nebi, quequin chiec chido onquepanëdash.

Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepanëdash Esus.

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Padenquio. Icsambuen mibitedishun tantieque. Nuquin Papa tantiabenuaquin mimbi icsambuen naid ënenquiocquid yec mibitsen uënësendac, quepanëdash Esus abi chuimebuedo chiec.

Adoaquien: Umbi isacmaido yec icsambuen naic tabadquido mibitedi nec. Adquid yec: Nëmbo mibi puduedtiapimbo iqueque. Nidec nid, caindac.

Adshumbic Esusën: ¿Nuquin Papan namiacno tabadtequid mitsipadquidbimbuec icpec? Nadquio iqueque. Tantia. Chuinu. Tied icbon mostasa caid ëshëmpi aton tiedën nitsinac caniec pistsëcquiocbuedi nuamboshë caniposh. Aid cuidin uicchun dadpen chochoec tabadtoneposh, quepanëdash Esus.