Popular Bible Verses from Juan 19

Share

Jesuska chay agru vinuta tsunkashpa upyashpan sinchita rimarka: Yayayni, ñami tukuy kamachiwashkaykita paktachishkani nishpa. Chasna rimashkanwasha umanta warkuchishpan pay munay wañurka.

Chaymanta Jesús yachashpan tukuy Yayan Diospa kamachishkanta ña paktachihushkanta rimarka: Upyanayanimi nishpa. Chasna rimarka ñawpa Yaya Diospa shuk killkachishkanka paktarinanpa.

Jesuska mamanta ñukatapas rikushpan kuchunpi kahushkanchita, mamanta ñukata ñawinwa rikuchishpa rimarka: Paymi kiparin wawaykishina. Chaymantapas ñukata mamanmanta rimawarka: Paymi kiparin mamaykishina nishpa. Chasna rimawashpan Jesuspa mamanta pusharkani chay urasmanta pacha wasinipi kawsananpa.

Jesusta kayllayashpankuna chakinta pakinankunapa rikurkakuna ña wañushka kahushkanta. Chayrayku chakinta mana pakirkakunachu. Ashwan shuk suntalu kushtillan partipi lansawa tuksirka. Chasnallapi yawarka yakuka llukshirka.

Imashnami Yaya Diospa ñawpa killkachishkanpi riman: Mana nima shuk tulluta payta pakinkakunachu nishpa. Chasnashinami paktarirka. Chayrayku suntalukunaka nima shuk Jesuspa tullunta pakirkakunachu. Chaymantapas shuk parti Yaya Diospa ñawpa killkachishkanpi riman: Shuk puncha atunta llakirishpa yuyarinankuna tiyan payta tuksishkankunata nishpa.

Krusninta markachishpankuna apashpa rirka chay Jerusalén llaktamanta kanchama. Payta pusharkakuna Wañushkapa Uman shutiyu lumama. Hebreo shimipi shutinka kan Gólgota.

Chasna asutishpankuna chay suntalukunaka kashamanta llawtuta rurashpankuna atun apupa tawasampatashina umanpi churarkakuna. Chaymantapas shuk atun apupa puka churarinanta asichishpa churachirkakuna.