Popular Bible Verses from Irocas 19

Share

Iroro nipocasique, nopaniaca Jonogaguitequë nomatsiguengatapë. Nipocasique nongooque nagabisaicotajiri pairiraca quemisanquinane, ira terai irogótiri Tosorintsi.

Ainta Agabisaicoontatsiri. Intsome antingomintobëmari. Intsome aniacaninatobëri. Igáqueri Tosorintsi aroquenta iniacaninatëri Iriro. Caninasati itimi omagaro Jonogaguitesati. Caninari Tosorintsi jonoquënintaberi.

Icanqueri Jesos: —Yamaica cataguiteri Tosorintsi yogabisaicotajimi obiro aisati iragabisaicotajiri pomatsiguenga yaca pongotsica. Aisatinta picantari ibega Abaram: piquemisanquero nanibare.

Cara yarepa Jesos, inetsë jonoquë iniopëri Saqueo, icampëri: —Saqueo, piguëpë omanapague. Yamai nocogui nantiomoquemi pobangoquë. Aro yaguëpë omanapague, icanqueri: —Intsome nobangoquë. Aro tojai icaninatanë Saqueo

Aique yaratianque Saqueo icanqueri Jesos: —Natingomi, nomagarantaguetaiguëri coguitiachari aganguisati antagaisati ora nasinta. Aisati aintaca matsiguenga namatobiqueri nocositëri, naguipigaineri omagaro, aisati nomëri basini. Nocositërica patiro, aro nomairi otsibasati.

Aintasati bariseopague itsibataigari arosonori matsiguenga aguiataiguëri Jesos. Icantaiguë bariseo: —Ogomeantatsiri, piguimairentaigueri matsiguenga ira aguiataiguëmi. Yotabitaiganaqueri Jesos: —¿Pairo naguimairentobitiri? Caninataque inganinabentaiguena. Iromairetaiguëca irirojegui, Tosorintsi irinibatacaquero mopëpague ontingominquina.