Popular Bible Verses from John 11

Share

Soo Te Pabe'e yise mee ka Martha netamma, “Nu ka mu numu mayodakwu. Soo tooe haga tooe nuka naka'oedyukudu, too'e ya'ese sapa nu mu matuusootabuese umu ooosapa gwetzoimokwu. U haa'a puu e naka'oedyukute?”

Soo Te Pabe'e yise meeoo oo netamma, “Mooasoo nu mee uga u tuukwepu, u ka tunaka'oedyukuna, o'no u ka Te Naa pooha tuyugwena poonnekwu.”

Soo Te Pabe'e yise yaka.

Soo nana Lazarus mee naneadu ka oona Bethany mee naneadu-kwi nobe-ga'yoo unu tuoeya'e. Lazarus ka umu tu susuakwumu Mary noko Martha mee nananeadu-no ka Te Pabe'e-no besa nanapua'a. Mu oo susuakwamu yise ka pumme tummatzidu ka Te Pabe'e-matoo taya. Oosoo yise ka Te Pabe'e-baa petugase mee oo netamma, “U pua'a Lazarus unu tuoeya'e.” Soo Te Pabe'e ka oo nakahoose mee unakwe, “Tooe oo ya'ese sapa, nu ka Te Naa Besa Pooha-toohakwi oo mayodakwu, o'no mu numu e nesookwugikwu, nu ka Te Naa Tooa'ana. Oo manepunnedu, umu e sopedakwatoo, nu ka yow Mu Tubetse Pabe'e-na. O'no mu numu eka poonnese mee unnekwu, ‘Soo Te Pabe'e tookwa unu pooha-ga'yoo.’ ” Soo Te Pabe'e ka Lazarus-witu nakase waha tabe mease

Soo Te Pabe'e yise pabatse'e ka Te Naa Besa Pooha-toohakwi mee unne, “Lazarus, yaatoo kemma.” Soo Lazarus yise, yaatoo tsebooeke, oo tookoo no'yoona wunapu-ma nakwutoota, oo-koobadooe. Soo Te Pabe'e yise ka mu numu meeoo netamma, “Ka a nakwutootana tzahanehoo.”

Soo Te Pabe'e yise tutuha soonammena, ka tupe tawaga-kwitoo ka Lazarus pukwi natugu-kwitoo mea. Ka tupe tawagana-kobena papabatse'yoo tseketadyadu tupe-ma oo nadatumapunne.

Soo Te Pabe'e yise mee ne netamma, “Te pua'a Lazarus sukwe u'we, tamme oo-matoo mease nu saa'a oo netupoonnedooa.”