Popular Bible Verses from Juan 12

Share

Pa̱ipi yë'ëre necaiye yëni tuijë̱'ë, yë'ëre. Yë'ëre necaiquë cato, yë'ë pa'i hue̱'ñare co̱ni pa'ija̱'quë api. Pa̱ipi yë'ëre necaiquë pa'ito yë'ë ja'quëpi i̱te de'oquëre pa'ni caquë ñacaija̱'quë api.

I̱ pa'iyere ai oiquë cato coa ne huesoja̱'quë api. Ja̱je pa'iquëta'a iye yeja pa'iyere coequë cato ne de'huaquë pa'iji, ti pani huesë ja̱'ñere.

Mësarute cayë, trigo ca̱pi yejana to̱mema'co pani ja̱re te'e ca maca pa'io caraja̱icoa. Ja̱je pa'iquëta'are i̱ti ca̱pi yejana to̱meni ju̱nita'a jaiye quë̱icoa, i̱ti ñëpi mëani.

Yë'ëre i̱re papi cajë cuasasicohua'ipi nea hue̱'ñare pa'ima'pë pa'ija̱jë caquë mu'se miañeje pa'ipi yë'ë iye yejana daë'ë.

Ja̱je pa'iquëta'are yë'ë caye asaquëta'a yë'ë cayeje̱ yo'oma'quëre yë'ëpi nejoñe pa̱ja'quë a'ë. Yë'ë cato iye yejana daisiquë a'ë, iye yeja pa'icohua'ire huasosi'i caquë.

Ja̱ maca Maríapi huëo së̱ ma'ña da'care dani Jesús quë̱ona ja̱'ñeni i̱o nañapi të̱no cue̱nao. Ja̱je yo'ocona, si'a huë'e huëo së̱ñena ti̱mëo. Ja̱ cato jai do'i ma'ña paji'i.

Ja̱ maca Jesús daina, sihuajë ja'o tëteni cuijë saë'ë. Jesure pëpañu'u cajë cuihuë: “¡De'oquëre pa'ni, Diusu! ¡De'oquëre pa'ni, Ëjaë mamirepa hue'equëpi daiquë! ¡De'oquëre pa'ni, Israel pa̱i Ëjaë!”

Cajëna, Jesupi ja̱ maca capi: “Tsoe ti̱'api, Maija'quë mamaquë de'oquërepa de'oja̱i maca.