Popular Bible Verses from Juan 19

Share

Jesupi o'sa cuiya'i co̱nore u̱cupi. U̲cuni capi: “Si'aye ti̱'api, yureta'a.” Ja̱je cani meñe si̱opë ne meni, ju̱ni huesëpi.

Ja̱ jeteyo'je Jesús tsoe si'aye ne saose'e sëte toyase'e cayepi ti̱'ajaquë caquë capi: “Oco ëaji.”

Pa'ijëna, pëca ja'core Jesús ñani, cui'ne i̱ ai oi ye'yaquë pa'isiquëpi i̱o yë'quë macare nëcaquëna, ñani capi: “Nomio ja̱ë api, më'ë mamaquë.” Ja̱ jeteyo'je i̱ ye'yaquëre capi: “Ja̱o, më'ë ja'co.” Ja̱re i̱ti casi macapi i̱ ye'yaquëpi i̱ huë'ena sai sapi, i̱ote.

Ja̱je yo'oni Jesús quë'rona sa tsioja̱ijë ñajëna, tsoe ju̱'isiquë paji'i. Pa'ina, ña jujani quë̱ña të'ca jë'yeye pa̱huë. Ja̱je pa'iquëta'are soldadopi uiyopi totapi. Coripana totaquëna, tsie cui'ne oco etapi.

Iye cato yo'ohuë, ñeje toyase'epi ti̱'ajaquë cajë, i̱tipi caji: “I̱ quë̱ña të'ca jë'yeye pa̱ja'cohua'i a'ë.” Yequë hue̱'ña toyase'epi caji: “I̱ohua'i a'si nesiquëni ñaja'cohua'i a'ë.”

Jesús ja̱ropi etani i̱te que̱ja'a sarahua co̱ani saji'i, pa̱i si̱opë tara hue'e hue̱'ñana hebreo pa̱i coca cato Gólgota hue'yo hue̱'ñana.

Soldado pa̱i Jesure miupi maro tëosicopi si̱opëna pu̱ahuë. Cui'ne nea maja'i ju'i ca̱re Jesure su̱ñacaë'ë.