Popular Bible Verses from Lucas 12

Share

Mësaru huesë maca Pa̱i Mamaquë daija̱'quë api. Ja̱je pa'ina, de'hua ñajë utejë pa'ijë̱'ë.”

Ja̱je pa'ina, mësarupi Maija'quë cua̱ñe te̱'tere ai oijë yo'oto Maija'quëpi de'hue jopo caraye i̱siquëna, co'amaña pajë̱'ë.

Yequeje̱ capi, Jesús: “Si'aye co'amaña ëayere de'hua ñajë'ë. Ja̱je pa'ina, pa̱i pa'iye cato jaiye co'amaña payepi co̱caina, pa'iye peoji.”

Mësaru co'amaña pa hue̱'ñare, cui'ne ja̱rote mësaru joñoaje̱ pasipi.

Ja̱je pa'ito ¿nepi mësaru acohua'i ai co'a ju̱'i do'ire metro joporeja̱'a tsoacohua'i ai de'oja̱'cohua'i a'ni?

Jeteyo'je Jesús i̱ ye'yacohua'ire capi: “Ja̱je pa'ina, mësarute co'a ju̱'ima'pë pa'ijë̱'ë, jere a̱ija'cohua'i a'ni cuasajë. Cui'ne co'a ju̱'ima'pë pa'ijë̱'ë, jere ca̱ña ju'ija̱'cohua'i a'ni cuasajë.

Ja̱je pa'ina, mësaru nañaque cue̱cuese'e a'ë, ca'rama'pë mësarupi. Ja̱je pa'ina, pi̱'a jerepa do'icohua'i a'ë.

Ca'rama'pë pa'ijë̱'ë, yë'ëre asacohua'i mësaru a'ri pa̱i maña'ë. Ja̱je pa'iquëta'are mësaru ja'quëpi i̱ cua̱ñe te̱'tere i̱siye yëji.

Ñajë'ë, ja̱ohua'i pë'përini, co'amaña ta̱ma'cohua'ita'a cui'ne tëama'cohua'ita'a cui'ne i̱ti ca̱ de'hua huë'e peocohua'ita'a cui'ne pëa hue̱'ña peocohua'ita'a de'hue Maija'quëpi co̱caina, pa'icohua'ini. Ja̱je pa'ina, mësaru pi̱'a se̱ña maca do'icohua'i a'ë, pa̱irepa sëte.

Ja̱je pa'ina, co'a ju̱'ijë cui'ne co'ejë cu'ima'pë pa'ijë̱'ë, jere a̱ija'cohua'i a'ni cui'ne jere u̱cuja̱'cohua'i a'ni cuasajë.

Ja̱je Maija'quë taya mañata'a de'oye su̱ñacaise'ere paji, coa yurese'e pani ñamina'a tsoe ju̱'ise'e pa'ina, toana ëo ja̱'ñeta'a. Ja̱je pa'ito mësarute ai jerepa ca̱ña su̱ñacaiye pa'iji, Maija'quë necaima'quë api, cuasacohua'i.

Ja̱je pa'ina, asama'pëna yo'ose'ere ti̱'a ja̱'ñe a'ë cui'ne yahue yo'ose'ere, asa ja̱'ñe a'ë.