Popular Bible Verses from Génesis 13

Share

Say rikashqayki partitaqa lapantami qoykushayki. Imayyaqpis say kanqa qampaq y qampita miraqkunapaqmi.

Lot aywaskiptinnami Abramta TAYTA DIOS nirqan: <<Kay taykashqaykipita norti kaqläpa, sur kaqläpa, inti jeqamunanläpa, inti jeqananläpa rikachakuy.

Shumaq rikaptïmi qampita miraqkuna saysikaman mirayanqa. Saymi yupaytapis mana atipaypaq aqushanöraq paykuna kayanqa.

Uywa misiqninkuna sayno pelyayaptinmi sobrinun Lotta Abram nirqan: <<Say ayllula kaykarqa ama chikinakushunsu ni misikuqninsikunapis ama pelyayäsunsu.

TAYTA DIOS sayno niptinmi lapan imaykankunatapis apakurkur Hebrón marka cercanman Abram aywakurqan. Saychömi karqan aska encina jachakuna. Say jachakuna karqan Mamre runapami. Saycho tarnami altarta Abram perqarqan TAYTA DIOSTA adorar manakunanpaq.

Sayno niptinmi Lotqa Jordán mayu nawpan intëru pampakunata Zoar markalämanpa rikarqan. Say pampakunacho qewapis y yakupis aska kaptinmi Edén huertanöraq y Egiptunöraq karqan. Sayno karqan Sodoma y Gomorra markakunata TAYTA DIOS manaraq ushakäsiptinmi.