Popular Bible Verses from Génesis 9

Share

Mato betan itan jatíbi yoinabo betan jatíbitian jaskara senenhabekonti joira en benxoai, ja oinxon onantira nato iki: enra nokon koshki nai koinbo meran ake, nato netemeabo betan jaskara ati joi en benxoa ja oinxon onantira iti iki.

Ja nai koinman nokon koshki iketian oinxonra en shinanti iki, jatíbi nato netemea jonibo betan itan jatíbi yoinabo betan jatíbitian jaskara senenhabekonti en benxoa joi.

Jonin jabé joni reteketianra, wetsa jonin jaribi reteti iki, jonibora Diossen ja keskábiakin joniaa iki.

Diossenra Noé, itan jawen bakebo jakonhakin shinanxonkin, neskara joibo yoia iki: “Icha bakeakanwe itan nato main kaikanwe.

Jatíbi yoinabora maton piti iki, paxabi piti yoábo, maton keenashamanbora maton piti iki. Jabora en mato meniai.

Nato netemea jatíbi yoinabora, mato meraax raketi saki ikanti iki. Jatíbi noyai yoinabo, mainmeabo, itan aniparomeabo, jatíbi ja yoinabaon koshira mato iti iki.

Ikaxbi maton, ¡Icha bakeakanwe, jabo nato neten kainon!” akinbo.